「落選港姐」梁懿婷（Sonia）參加《2020年香港小姐競選》時被封「翻版超蓮」，又稱「賣樓選港姐」極具話題性，可惜最終在15強止步，梁懿婷之後向KOL界發展。近日梁懿婷到與友人到韓國旅行，卻遇上恐怖經歷，遭陌生男尾隨返酒店。
梁懿婷遊韓打卡
梁懿婷近日在threads開心分享遊韓旅程，不時在社交網打卡，怎料日前外出後，與朋友返回酒店時，被一名男子尾隨，對方更高聲對她說話。由於梁懿婷不認識對方，到達酒店大堂時即去前台求助。最恐怖的是該男子在酒店前台拎出信用卡，疑似打算開房間。
相關閱讀：港姐丨范倩雯梁懿婷被淘汰稱尊重賽果 連佳麗眼濕濕感不值不捨
梁懿婷猶有餘悸
梁懿婷猶有餘悸留言：「大din（癲），返酒店途中遇到個人無啦啦同我哋講嘢，跟住一路跟住我哋返酒店，已經無理佢。不過我怕佢跟我上樓，所以入reception 點知佢攞張visa card出嚟！又唔知佢講乜！做女仔一定要識保護自己！」
梁懿婷揚言報警
梁懿婷在片中與友人分開站立，有人在旁拍攝，眾人更對酒店職員表示：「We don’t know him」，並揚言要報警，職員感到震驚，而陌生男發現被拍攝時，指住梁懿婷友人：「No phone」。不少網民睇完梁懿婷的片後，建議她好轉酒店以策安全。
梁懿婷報平安
梁懿婷之後再在threads報平安，透露酒店職員已處理，而陌生男已被請求離開。梁懿婷留言：「大家我哋安全！我哋喺韓國，而個男人一定唔會係想check in 酒店，因為佢好醉。我哋一落車就喺酒店門口位置，佢係無啦啦行入酒店停車場位置同我地講嘢。跟住一路跟住我去。點解我哋會選擇同reception講，係因為我第一反應係尋求人幫助。後面reception亦有叫佢離開」。
相關閱讀：寶珮如入行前竟做過呢個職業-自爆被反跟蹤兼爆粗恐嚇生命有危險
樂翊榆被偷拍西裝男見義勇為？
