「東周刊」近日爆黃博與老公豪住日租千元、有無敵維港海景的星級酒店，而張與辰則住樓齡逾60年的舊樓，該幢樓更曾經發生過凶案。今日（24日）周吉佩（吉吉）到尖沙咀出席「周吉佩GUTS展覽會」時，曾跟張與辰合作過的他被問到會否介紹對方租另一間屋，他即指兩人合作期間曾向張與辰透露有打算搬的想法，而張與辰即指吉吉居住的環境OK，若真的搬走也想租住：「如果今年我真係有計劃去搬，可能我層樓真係租俾佢住，做生不如做熟，如果我真係放租梗係租俾佢，佢話佢好想租我嗰度，仲話自己好乾淨、有潔癖，會好錫傢俬，所以我會保留呢個客，遲啲約佢打邊爐睇屋。（但你間屋旺！）咪啱佢囉，大家一齊旺！」
吉吉笑稱未住過海景房
吉吉謂張與辰曾表示過想找兩間房的屋，其中一間房是放靚衫，笑指他也可以將層樓租給現時租住酒店的黃博，吉吉笑說：「我都未住過海景房，我都好想！《中3》好犀利呀！」吉吉表示因小朋友開始長大，所以想搬大一點及他們上學時也可以近一點，問到是否想搬獨立屋？他說：「我都想，我成日睇，學阿Bob話齋，吸引力法則，展望啦！」
拍MV抱BB公仔過手癮
另外，今次展覽有多個打卡位，當中包括寫上歌詞「靠大隻」、「好勁」、「相當矜貴」及「乜都膽博膽」等的燈牆、有吉吉樣的大燈箱及1:1人型紙牌等，展覽將至本月30日。吉吉表示今次展覽自己也有參與，在推出的T恤也給予意見，而太太也有幫忙。提到他今日帶同玩具嬰兒到場，問他是否想生多個？吉吉笑指也想，但主要是太太不能：「前兩胎佢嘔得犀利，又擔心身材，頂唔順啦，夠啦！」現有一仔一女的吉吉指原本也只是想要一個小朋友，但當時太太表示想要兩個，故最後就生了兩個，吉吉又謂自己抱B手勢純熟，但子女長大後也沒機會發揮，今次MV中有BB公仔，自己過了手癮就OK，不過也歡迎朋友若有小朋友的話也可以讓他湊，雖然認識黃翠如，但他就謂還未見過翠如的BB。
