現年27歲的TVB小生孔德賢（Danny）自2017年簽約TVB後備受力捧，加入數年即獲機會參演不少TVB大卡士劇集，包括《法證先鋒V》、《星空下的仁醫》、《新聞女王》等。雖然孔德賢曾捲入「狂野港姐」港姐廖慧儀前男友的自殺風波，但依然無礙星途發展，近年依然有份參與公司大騷演出。近日孔德賢於網上宣布已經做了爸爸，公布兒子名叫風風，這位慈父恭祝風風4歲生日快樂。
孔德賢兒子已4歲
孔德賢近日更新IG，甜絲絲發布喜訊，原來他的兒子是一隻狗狗：「其實由細到大我都好想養寵物，但一路都冇咁嘅機會同埋緣份遇到一隻狗狗。直到有一日，係 @lap.org.hk 嗰度見到風風，唔知點解就好想見吓佢睇吓有冇機會可以養到佢。第一眼見佢嘅時候，佢非常之怕羞，但係眼神流露住一份忠誠同善良。同佢見一次面之後，我就決定收養佢，或者呢啲就係緣份。」
相關閱讀：38歲女星人奶被TVB小生花旦爭住飲？關嘉敏有幸被餵 有男星寫埋食評
孔德賢自爆已為人父：
孔德賢寵物不敢睡覺
孔德賢透露風風剛到新家時十分不適應，更怕得不敢睡覺：「風風一開始嚟到我屋企嗰陣，淨係識匿喺枱底，唔敢出嚟。甚至頭一個月，我都冇見過佢瞌埋眼瞓覺，差啲以為佢唔使瞓覺，原來佢只係保持非常高嘅警覺性。好幸運地，獸醫話峰峰身體非常之健康，身形亦都非常之標準。」
孔德賢指兒子人見人愛
孔德賢盛讚兒子人見人愛：「見過風風嘅朋友都知道，冇人會唔鍾意風風，因為佢實在太乖太可愛，就好似一個天使咁成日都笑。風風嘅性格好好，唔會亂吠，唔會搶繩，唔會喺屋企周圍去廁所，唔會護食，唔會亂跳上床，唔會整醒人，唔會發脾氣。我能夠遇上風風，我真係十分幸運。祝風風生日快樂，永遠活潑可愛，永遠都咁健康，呢度永遠都係你嘅屋企，爸爸愛你。#多謝你教會我什麼是愛與責任 #領養代替購買」。
孔德賢曾捲廖慧儀男友自殺風波
孔德賢2015年中學畢業後，開始修讀香港理工大學建築工程及管理學系學士課程，於2019年畢業，但他放棄做工程師，選擇留在娛樂圈發展。孔德賢於2017年加入節目《#後生仔傾吓偈》，被封「翻版羅仲謙」，後來他正式開始拍劇，代表作包括《你好，我的大夫》等。孔德賢在2020年，與落選港姐廖慧儀傳緋聞，而對方的前男友Sam後來疑受情困墮樓身亡，Sam離世前留下的遺書內容，提及廖慧儀以無數大話隱瞞，又相約另一人出街，令他留下心理陰影。由於孔德賢曾與廖慧儀分別在各自的社交網上載行山相，被傳兩人相戀，孔德賢在廖慧儀前男友自殺身亡後被捲入風波，導致形象插水，及後他與廖慧儀公開劃清界線，表示二人只是普通朋友，沒有聯絡。
相關閱讀：孔德賢光速儲齊10個車牌想轉行？ 曾鬧桃色糾紛一度影響演藝事業
曾跟前港姐廖慧儀傳緋聞：
