由林保怡、陳法蓉、張振朗、傅嘉莉和陳自瑤主演劇集《刑偵12》昨晚（19日）首播，相隔13年重返TVB拍劇的林保怡，今次驚喜現身當然是外間的焦點，不過在昨晚（20日）播出的第二集，飾演富三代「傅一鳴」的丘梓謙因涉嫌禁錮及販賣人口被拘留，雖然「丁洛風」林保怡在「刑凱」張振朗協助下找到殺人證據，最後卻因程序問題必須放走丘梓謙。丘梓謙經爺爺「傅德善」潘志文安排保釋潛逃，卻遇上神秘黑衣人「林昱水」張松枝。
張松枝心狠手辣表情被瘋傳
有「港版孔劉」之稱的張松枝，主動提議與丘梓謙玩俄羅斯輪盤，其瘋狂的行徑與及心狠手辣的表情，迅即在網上瘋傳，不少網民留言大讚，不少網民想起《魷魚遊戲2》中的孔劉玩俄羅斯輪盤的經典場面，網上頓時湧玩《魷魚遊戲2》回憶殺！
相關閱讀：刑偵12丨上位小花情趣面罩晒白滑長腿震撼眼球 被張振朗「嚇窒」：喊到收唔到聲
張松枝演出備受讚賞：
張松枝真正身份令網民大感好奇
對於張松枝的真正身份，不少網民大感好奇，有人猜測他是劇中人的分裂人格，亦有猜測他是幕後Big Boss，張松枝曾在直播上表示今次在劇中飾演殺手，幾乎死的人都與他有關，他還說：「我唔係變態佬，要死嘅人佢哋都係有罪，我先會去殺佢，如果佢係好人，我係唔會殺佢。」張松枝又稱有不少動作戲：「因為喺戲入面有好多人係要畀我殺，真係有好多辛酸。」張松枝今次出現，在網上有不少迴響，有人說：「由細到大睇佢都已經覺佢好x靚仔有型，就係唔紅。」、「初頭睇嗰啲廣告，仲以為邊個嚟咁鬼有型嘅阿伯，原來係佢嚟㗎！」、「估唔到係佢黎，型到核爆。」
張松枝入行前有「卡拉OK王子」之稱
張松枝入行前有「卡拉OK王子」之稱，他曾拍過逾千個MV，是寶麗金「碟聖」系列的御用男主角之一，最興旺時期一星期可以開工四天，每天拍三、四首歌，結果連拍了4年MV後，張松枝成功賺取第一桶金。張松枝在90年代加入TVB，拍過逾百部TVB劇集，被稱為「綠葉王」，對於多年來演「配角」，張松枝曾說：「做配角嚟講，其實我做得好開心，壓力冇咁大，又能夠有多啲發揮空間，因為主角往往會畀導演、監製限制多啲，但配角就冇人理你，所以我好滿足於自己嘅崗位。」張松枝又曾讚太太是萬中無一：「 佢放棄咗事業、放棄所有嘢嫁畀我，為我生兒育女，我當時都有問佢點解揀我？原來當年佢有睇《 巾幗梟雄 》，佢覺得我做得好好，應該有更好嘅演藝前途，太太仲話『 我同你一齊都有希望，只要你努力一啲，我鞭策一下你，咁就可以。』」原來太太係行內有名的化妝師 Mae Von，以前是係林峯御用化妝師，當年二人在林峯介紹下認識。
相關閱讀：刑偵12｜第1至5集劇情劇透線上看 林保怡/張振朗/陳法蓉主演懸疑劇 聯手打擊殺手集團（附演員表）
林保怡陳法蓉關係曝光：
陳法蓉將會在第四集出場
與此同時，陳法蓉（Monica）將會在第四集出場，今次陳法蓉與林保怡飾演兩姊弟，雖然現實生活中，林保怡的真實年齡比陳法蓉還要大一歲，不過劇中「兩姊弟」相約在戲院睇戲，看起來竟然零違和感。飾演「富三代」傅一鳴的丘梓謙（蔥頭）首演變態奸角，先後與視帝張振朗、林保怡和張松枝有對手戲。對於首演變態角色，丘梓謙坦言一直期待演變態角色，皆因覺得「有好多玩法」，發揮空間較大。談到與兩位前輩林保怡及張松枝合作，丘梓謙笑言與林保怡合作一點也不緊張：「同保怡哥對戲嗰場真係冇壓力，一來我唔想觀眾覺得出戲，所以我一定要做到唔怕佢先得，咁先符合到富三代嗰種有恃無恐嘅感覺。二來保怡哥超好人，我記得有日拍嘢好熱同好猛太陽，保怡哥驚我曬親，會叫我上佢架褓母車休息同埋歎冷氣，又係咁同我傾偈，講吓汽車經同埋食嘢經咁，乜都講。」
丘梓謙與張松枝場口拍至尾段虛脫
至於與張松枝的場口，丘梓謙則坦言拍至尾段險些虛脫：「嗰場一嚟就要好爆同好驚，要係咁嗌同係咁求松枝；其實當時架船嘅環境係好焗，出面講緊係夏天日頭、應該有三十幾度，全部人喺船度都好似焗緊桑拿咁。咁我啲情緒又好爆，所以每次我一拍完都要抖大氣緩衝番，因為我真係嗌咗好多次。」
