現年70歲、有「鬼馬歌后」之稱的朱咪咪，13歲開始已經跟着家姐於新加坡酒廊唱歌，其後她隻身來港發展，最初在酒廊獻唱，試過簽約華納唱片成首位簽約女歌手，在1991年先為尹光紅館演唱會做嘉賓，及後再舉行個人演唱會，風頭可謂一時無兩！但風光背後，朱咪咪為了要賺錢養家餬口，在2000年選擇長期與家人分居，隻身到香港生活。
二仔少有機會與媽咪接觸而不諒解
吸金力驚人的朱咪咪，有指她在新加坡、馬來西亞和香港有八九間大屋，粗略估計有逾億身家。其後因為疫情關係，朱咪咪終於返回新加坡老家與家人團聚兼享清福，目前以登台為主，生活過得寫意又輕鬆。不過二仔馬健晉小時候曾因很少有機會與媽咪接觸而不諒解：‧「所以細個真係幾唔開心。」
相關閱讀：朱咪咪久未露面再現身瘦一圈頸部爆筋 身家豐厚擁9間大屋定居新加坡住兩層半樓
朱咪咪搏命搵錢仍被兒子不諒解？
近日朱咪咪接受汪曼玲的YouTube頻道「快拍。曼鏡頭」訪問，訪問上播一段4年前朱咪咪接受二仔馬健晉訪問的片段，片中二仔坦言：「由我有記憶嘅時候，已經知道媽咪大部份時間都唔喺屋企，返學聽到啲同學講『我媽咪帶我去呢度、嗰度玩』，但係我個人係好少呢啲機會，因為我好少有機會同媽咪接觸，媽咪成日返工冇時間陪我哋，如果我哋約定咗一個時間去做呢件事，佢有時因為要開工需要取消，所以細個真係幾唔開心，因為媽咪成日都唔喺度。」不過長大後，馬健晉終於明白媽咪的處境：「大個咗開始見多咗啲人同事，我先發覺媽咪係為咗畀我哋有好嘅生活環境，所以先咁搏命做工，我先體諒到佢唔係唔想陪我哋，只係想為呢個屋企付出多啲。」
朱咪咪亦坦言這個是以前很難解決的問題：「我知二個仔當初好唔鍾意媽咪，送咗佢哋返新加坡，自己一個喺香港做嘢，但係冇辦法，簽咗唔可以唔做，不過近呢幾年，我覺得要將工作減量，唔可以再好似以前咁，由朝到晚做到三更半夜，咁樣好似唔係做人嘅生活態度。」朱咪咪目前與兒子和新抱住在一起：「細仔前年結咗婚，買咗間屋畀佢搬出去住，做人最緊要有自己間屋，有自己嘅家，個人個心先會定啲，咁樣先可以去拼搏。」反而老公目前香港工作，兩夫婦動靠電腦維繫。
朱咪咪生圖更顯瘦？
朱咪咪與新抱的關係好好，原來她們有一套相處方法：「有啲乜嘢我都爭住做，唔係坐喺度做乜，最緊要睇你個心點諗，我而家唔係做家務，只係做運動。我哋搵錢係畀佢哋使，我自己一日都用到20蚊坡幣，所以佢哋生活好啲，可以彌補返我細個嗰陣啲不足，唔需要啲仔女跟住我捱。」朱咪咪還說：「我而家好知足，我會諗自己比好多人幸運，我仲係冇人冇物又冇後台，冇人力捧我，我係一步一步咁唱出嚟。」
對於一直被指住在豪宅，朱咪咪曾說：「我從來沒有說過我這間屋是豪宅，我時常叫這間屋做『狗竇』，你看我用的東西都是隨便的，普通的，不過一些傳媒朋友跟我寫成豪宅，所以我澄清從未有說過是豪宅！」朱咪咪還有提到當年買下現居的兩層半住所經過：「這間屋子是我自己一手搞掂，之前看過幾間都不行，因為一進來都未有這麼空曠的那個樓頂，所以我就馬上討價還價，那個時候我太衝動，其實價錢可以跟他再壓低一些，雖然我是師奶，但不太懂得討價還價，所以叫對方減一點給我，看了一次便下了訂。」
9
