周吉佩將於7月書展推出自傳《第三人生》，今日（15日）為新書拍攝封面照，又帶來亡父的相機一起拍照。周吉佩昨日被《星島頭條》獨家捕獲他在商場快閃busking，過百粉絲聞風而至，場面熱鬧，周吉佩透露是為一個專題節目拍攝，他也是突發告訴粉絲此事，想不到有很多人到來，又指20年前曾是該商場的駐場樂隊，昨日重遊舊地有很多感受。
獲張與辰邀到馬拉開騷
講到《中年好聲音3》剛結束，第四季就已開始啟動報名和製作，周吉佩作為首屆冠軍，問他可怕師弟師妹來勢洶洶，分薄公司資源？他說：「《中年》有太多學員，唔怕就假，怕就一定會有，但都唔怕得咁多，會繼續做好自己的歌和準備出書，又有拍網上節目，《中年》有好多很有實力的人，希望將來有合作機會，張與辰都有同我傾過，他想在馬來西亞開騷，有問過我一齊去好唔好，我當然想，如果能夠去馬來西亞真係托佢鴻福。（新書是自己投資？）我和團隊一起做，公司都有參與。（之前朱敏瀚稱要自費為新劇宣傳？）我太多自己野，都無咩資源分配不足的問題，有時與公司提起一啲工作時，公司都很support。」
騷肌相要問准太太
另外，周吉佩才38歲，他坦言不少人都覺得他年紀尚輕就出自傳始乎太早，但他自覺人生有不少值得分享的經歷，望以自身鼓勵同路人，「我的人生可以分三個階段，第一人生是入行前後的經歷，第二人生是做記者的時候，這也是佔據我人生最長的時間，結婚生仔買樓都是在這段時間，第三人生當然就是參加《中年好聲音》之後，在事業和家庭上的轉變，所以當與團隊去傾寫甚麼時，他們才發現我都算有不少經歷。」談到封面照的參考照片有騷肌相，問他可會同樣騷肌拍照？他笑言新書不適合騷肌，或留在影寫真集才騷，但暫時無考慮拍寫真，問他是否對身材無信心？他笑說：「我對太太無信心，怕佢唔俾，好野要留返俾自己睇，有緣再俾大家睇，其實我每次健身做運動都有目的性，好似之前開騷就有操肌，平時就有啲懶散。」
