58歲知名股評人胡孟青（青姐）過去上節目受訪，主題大多是談及股市及經濟，日前她接受方健儀TVB前新聞主播方健儀的YouTube節目《女人方言》訪問，以人妻及人母身份大談家庭事，更揭露早年曾經歷流產。此外她又罕有回應09年被指見到滙豐股價急挫時，在節目中「落淚」的真相。
胡孟青親解見股價急挫「落淚」真相
胡孟青有話直說的性格為她吸引不少支持者，曾多次在財經節目上接查詢電話大罵股民，反而令她更受網民喜愛。而2009年她在《交易所直播室》中眼見滙豐股價急挫至33元，一度在鏡頭前「落淚」亦成為一時熱話。胡孟青接受方健儀訪問時分享「落淚」真相，表示：「激動啫，其實都唔係喊嘅……不過大家都見我係喊嘅，我都費事解釋，都話係因為化妝掃嗰條毛，喺度吹吓吹吓，痕呀嘛，咪撥走佢，人哋就以為抹眼淚喇！出事出事出事，有時啲嘢就係咁，kick吓kick吓，咁就變咗件大事。」
相關閱讀：黃澤鋒58歲老婆陳麗麗人工受孕再度懷孕 去年經歷流產 6年前收經階段陀女險中風要入ICU
胡孟青家庭照曝光？
胡孟青指老公是「公用股」
胡孟青與從事IT業的老公在英國留學時認識，因有互相認識的同學，胡孟青在多次「黐餐」的情況下，與老公互生情愫。胡孟青直言由於自己不擅煮食，因此老公識煮飯是加分位，她說：「其實我係『純純兔』嚟，正式嚟講我老公係食住我嘅。因為我個人比較率性，佢個人比較規律，如果要建立一個家庭，揀個人談婚論嫁，咁嗰個人一定要穩陣。」她更激讚老公是如「公用股」一樣穩陣，「同你買上市公司股份一樣，你都唔想間公司係不務正業，一時一樣……咁樣對股東利益都係冇好處。」胡孟青談及早年曾因言論太直接而被一些上市公司、股民批評，甚至曾被告，胡孟青感謝老公一直支持，她說：「我有事嘅時候，我發覺我嘅另一半，真係唔話得，無限量支持。佢個人唔會口甜舌滑嘅，但喺呢啲位你就知咩叫患難見真情，兩公婆……有事嘅時候，你出到嚟支持，呢個就係點解要搵另一半。」
相關閱讀：43歲「最美天然女星」崩潰自爆一年流產3次！育兒一舉動被狂鬧離譜
胡孟青早年經歷流產
胡孟青與老公除經歷事業低潮，亦共同走過流產之痛，胡孟青現時育有一名19歲兒子，但其實在獨子出生前，她曾經歷流產。胡孟青表示當時身處北京，驗孕得知「中獎」非常開心，不過回港做檢查時卻被告知壞消息，她說：「開頭睇有（懷孕），後來又話冇，我唔信佢，再睇多幾個醫生，幾個醫生都話冇咗心跳。都唔開心咗一排，一個小生命冇咗，都幾可惜……但係日子依然要過，你唔會停留喺嗰個痛苦嘅旋渦度。」胡孟青後來喜迎一子，「所以我個仔成日話，『本來有個哥哥，媽媽你跌咗呀！』緊係佢老竇話畀佢知，衰仔……」胡孟青為陪兒子成長，早年辭職不再於大公司做高層，但她未因長期陪伴兒子，而對兒子特別嚴厲，直言對兒子採「放養式」教學，她認為兒子沒有大過錯便可隨心成長。
相關閱讀：大S逝世｜舊病史多產子時曾險死 經歷兩次流產 7年前稱：我完全不怕死
前TVB花旦陳美琪曾婚姻失敗、流產：
