關稅戰亂局之中，環球股市比大部分投資者預期頑強得多。呢一刻，市場正等待關稅協議逐步落實，慢慢將關稅戰對環球股市嘅影響浮現出嚟，換言之局勢係會逐步、反覆地明朗化。假如最終影響係美國經濟輕微衰退的同時、通脹係可控地一次性上升，美股根本沒有在怕，之前標普500指數由高位下跌21%，已經足夠反映輕微短暫衰退嘅負面因素。
美國進入長期經濟衰退嘅機會高唔高？至少目前距離甚遠。要數對上一次經濟持續衰退嘅時期，就係2001年至2003年期間，就業職位數據持續每個月錄得負數，同目前保持正數嘅情況相距甚遠，換言之，目前美國經濟尚未出現持續衰退嘅條件。
至於較大機會出現嘅情況，係關稅對通脹嘅影響浮現過後，美國進入減息期，未來經濟增速多少，就要睇AI嘅發展如何推動經濟表現。敢講未來20年嘅投資主題，都會同AI有關。
多鄰國公佈業績後率先破頂
找尋能夠透過AI顛覆傳統行業嘅股份持有，遠比跟隨關稅戰消息左閃右避來得實際。生成式人工智能（AIGC）日趨成熟，將率先顛覆教育行業，多鄰國（DUOL）透過AI提供語言課程，內容日益進步，假以時日能提供比人類更高效益嘅教育方式，即使股價喺業績後率先破頂，仍然值得喺波動市況之中吸納持有，暫不估頂。
晉佳
https://www.patreon.com/user?u=28525578
相關文章：美股尚未天朗氣清 邊類股能克服人禍｜晉佳
