事隔 25 年再開騷的謝霆鋒，昨天迎來首場在啟德體育園的個人演唱會《Evolution Nic Live 謝霆鋒進化演唱會》。英皇集團主席楊受成博士安排包廂越嶺廳，拉大隊率英皇娛樂集團超過 30 名藝人以及政商界好友名人共 200 多人，一同觀賞英皇大師兄演唱會。包廂更特意為在場賓客安排由霆鋒主理的食物品牌《鋒味》精心準備的美食體驗，全場食到讚不絕口！
政商界名人星光熠熠
現場官蓋雲集，星光熠熠，包括不少來自政商界的名人及朋友：羅淑佩、蔡志明、馬時亨、張松橋、張宇人、石禮謙、劉業強及李子良等，更特別邀得勞力士（Rolex）大中華區行政總裁 Mr Maxim Lamarre 攜夫人出席；同時亦邀得其他藝人到場。英皇大家庭一共有30多位藝人到場支持大師兄，包括張敬軒、何佩瑜、女團VIVA、衛詩雅、歐陽震華及任達華等。當中祖兒、阿 Sa、Kenny 及 Gin 近乎企足全晚唱個不停，不斷叫喊。
軒仔被老闆點名 : 下個到你
老闆楊受成全程笑個不停，拉住大熱影后衛詩雅滿場飛，並希望 Michelle 能沾沾霆鋒旺氣，於星期日金像奬頒奬禮上勇奪影后，並且為英皇電影《破・地獄》帶來傑出成績。張敬軒亦有捧場霆鋒，表示知道舞台是由英國團隊重金打造，效果十分觸目。自己都不禁思考如何可以投升現場感染力，與現場超過四萬多位觀眾互動。老闆更特別囑咐 Hins：「下個到你呀！」祖兒笑言：「我同霆鋒係同期出道，係同班同學，今日見到佢成為亞洲第一人率先於香港啟德體育園這個世界級場地開個人演唱會，真係既感動又驕傲！」
祖兒期待登啟德大舞台
祖兒表示，霆鋒隻隻歌自己都識，聽返簡直係童年回憶，完全係將自己的成長歷程show 晒出來，都好期待自己快啲可以登上啟德大舞台。阿 Sa 整晚與 Kenny 及 Gin 企足全場，手舞足蹈。阿 Sa 大讚霆鋒靚仔又有型，自己同 Kenny 及 Gin 全場不斷尖叫大嗌，搞到完場後把聲都沙晒。阿 Sa 話：「睇返霆鋒以前啲 MV，我諗佢都做唔返以前咁樣，真係回憶殺呀！」
奉上獨一無二舞台體驗
霆鋒完成首場演出後，今日在社交平台上載演唱會海報照，並分享心得：「廿幾年嚟一直唔願意開平凡嘅『集體回憶』，直到同團隊精心設計、完成滿意嘅舞台（淨係舞台燈就超過2800盞），先至敢獻畀大家今次嘅演唱會，希望帶畀你們嘅體驗係獨一無二，一起寫下華人香港演唱會開館的新一頁。」
