MIRROR小隊「妹豬組」Anson Lo（盧翰霆）、姜濤、Edan（呂爵安）、李駿傑（Jeremy）今日（23日）為ViuTV新節目《呂濤米 Lo Seoul》宣傳。Edan重提日前開Live與「爵屎」分享感受，坦言經歷了好多，發覺以前的自己不見了，想尋回輕鬆的自己，已久未開Live，趁機打開心扉，亦是自己跟爵屎的傳統，「想改變，集中喺自己同愛自己嘅人，唔想再避忌同忐忑。」他坦言開Live講完輕鬆了，唔驚得太多，自己認為是對的就好。
Edan稱對林明禎好認真
問到是否公開認愛林明禎，Edan坦言知大家一定會集中這一點，講明想保護她，「我趁機會講一次，以後唔會再講，自從我公開追林明禎後，佢受好多攻擊，好多聲音同惡意，完全明白佢感受，佢一個女仔承受唔簡單，係因為我先有呢件事發生，一直想做啲嘢去保護佢，但因為我驚，所以避而不談，但可能態度令大家有啲誤會，無論我乜都好都被人鬧，不如我做一件覺得啱嘅事，所以講畀大家知，佢係好好女仔，對我來講好重要，我唔開心，佢幫我好多。我知控制唔到外界同Hater攻擊佢，但想啲人唔好再攻擊佢，盡我嘅力，希望大家唔好難為佢。」一再追問是否公開戀情，Edan曲線表示：「大家畀空間我，我對佢好認真，好想保護佢。」
相關文章︰Edan呂爵安對人歡笑背人愁 突社交網直播派負 力證林明禎地位︰佢係我身邊好重要嘅人
Jeremy涉抄歌認上了寶貴一課
而李駿傑（Jeremy）新歌《Tie Me Now》涉抄韓國男團Stray Kids的歌《Red Lights》， 即改為新編曲版本，並下架MV，Jeremy今日坦言見到不同爭論，自己也不開心，所以作出這個處理，想做好作品就有下架的決心，「因有不同團隊參與，所以好難下這決定，不過我要坦然面對落架，有跟團隊商量過。」他亦未因此感挫敗，「我做歌想畀大家見到自己唔同一面，帶到歡樂畀大家。」他強調沒打擊到他寫歌，但上了寶貴一堂，意識到學習和進步，要寫更多作品，正在跟團隊商量，會有更好MV出現。對於MV也八成似《Red Lights》，Jeremy表示：「音樂類型相似，有啲元素存在，都知有呢個情況，所以要出個新版本。」Edan在旁幫口：「新版本唔似 。」
Anson Lo閉目養神反被誤會
Anson Lo對於成為Edan的「樹窿」，表示盡量陪伴，都樂意做任何朋友的「樹窿」，也知Edan有壓力，不及以前生猛，見對方近來已慢慢好，已想通了，有叫他多做運動。Edan也指是人生課程，會努力改變，承認之前好繃緊，已開心了。Anson Lo也談到之前被拍到在活動瞌眼瞓，他解釋當時太忙好累加上身體不適，才閉目養神，覺得幾無聊，不會不開心亦不會有壓力，反而擔心被誤會不尊重工作，經一事長一智，強調每樣工作都重要，下次眼瞓就打大髀，或舉手去厠所，沒因此不開心，笑指自己幾樣衰的照片都有，沒所謂，反而更注重操守及人品，透露平時靠跑步減壓，最近努力修線條，為演唱會亦為穿衣更好看，並非要變筋肉人，主要想健康。Edan表示這個是一個人生課程，會努力改變，亦承認變開心。
姜濤經一事長一智
姜濤對於早前參與熊貓活動，女護員指熊貓瞓緊覺，當時他爆句好眼瞓而被指無禮貌。姜濤說︰「我以後都唔講，對唔住大家，係嘅係嘅，經一事長一智，以後再做好啲，所以你見我今日無打呵欠。」問到可有好大壓力，講句會被人鬧？他表示已習慣慣，但還好。談到會否不開心而被放大，他說：「大家承受嘅嘢，習以為常，想再好啲，唔會唔開心，做好啲囉！無人可以做到最好，係好主觀嘅。」至於近日有網友再次翻炒其2021年於街場打籃球時，與路人爆衝突打鬥片，但網友力撐他，有人只駁流量。姜濤說：「多謝佢哋！（指撐佢。）（唔想再重提件事？）大家想甫就甫，ok嘅！畀大家食下花生，我而家好少咁樣，好少打波，男仔打波係咁有啲碰撞。」問到「妹豬組」會否搞個talk騷，Edan表示不介意，Jeremy透露在韓國旅程談了好多工作與未來。
