37歲港姐冠軍陳庭欣（Toby）與坐擁10億身家的彩豐行老闆楊振源（Benny）拍拖6年，雖然遲遲未有宣布婚訊，但未有影響兩人關係，雙方一直非常恩愛。陳庭欣今日（22日）在IG限時動態貼上多張相片，傷心地宣布「家人」突然離世。
陳庭欣寵養7年的愛情鳥突然離開
原來陳庭欣寵養7年的愛情鳥「ice cream」昨日突然離開，她傷感地說：「一直都好希望有一日佢會主動上 我手同俾我摸下佢，昨日終於可以啦，但係係Ice cream 離開咗嘅時候。」陳庭欣是愛動物的人，在男友支持下，家中飼養5隻鸚鵡及2隻狗，3000呎豪宅變動物園，日前曾發佈了一段帶愛犬Winter去做身體檢查的短片並展示信用卡收據：「知唔知幾多個零呀？識唔識睇呀？吓，你望吓！」
相關閱讀：TVB「10億女友」晒天價醫療費：知唔知幾多個零？公屋搬豪宅 3千呎大屋變動物園
陳庭欣「家人」突然離世：
陳庭欣愛情鳥「ice cream」昨日突然離開
陳庭欣今日在IG宣布愛情鳥「ice cream」昨日突然離開，陳庭欣憶述兩人多年相處經過，她說：「2018年某一個下午，收到一位女士嘅DM，話喺元朗拾獲一隻橙色頭嘅愛情鳥，身體瘦削，仲被附近的貓咪欺負唔識點處理，所以問我點算。當時我嘗試教佢點樣先安置好雀雀,同時即刻上各大鸚鵡群組發帖希望搵番主人。雖然嗰位女士都好想幫忙暫養雀雀，可惜因為無經驗同家中有小孩，不方便暫託或收養，於是我就接咗雀雀到我家中暫住，一邊繼續幫佢搵番主人，可惜過了很久主人都無出現過。最後我決定收養牠，拾獲嗰位女士嘅小女兒幫雀雀改咗個名，叫 Ice Cream。」陳庭欣稱Ice Cream適應得很快，與另一隻愛情鳥小丁丁成為朋友。
陳庭欣望咗兩秒好似唔對路
陳庭欣續說：「而自從佢同小丁丁friend咗之後，都唔再上我手同俾我摸摸啦，掂下佢個籠都會衝埋嚟咬我（好痛㗎！流晒血）~但又好得意，出嚟玩嘅時候，有時又會主動來找我，又會飛到我頭上，只要我唔觸摸她便可。不過我都唔介意，總之佢健健康康，唔使再流浪街頭就ok啦。咁就過咗7年啦，直到昨日下午，如常嘅洗白白。洗完後過了大慨5分鐘，我突然聽到ice cream慘叫聲。我當時即刻望佢係位置，佢反轉咗身喺梳化中間，我當刻仲以為佢咁爛玩㗎，玩到反唔番個身，但望咗兩秒好似唔對路，我即刻抱起佢，幾秒後佢就係我掌心中斷咗氣，離開咗，當時佢口中流出小量水。」
相關閱讀：「10億女友」為男友搞奢華派對熱情賣萌 老闆娘上身一舉動等入豪門
陳庭欣九肚山3千呎愛巢內貌全曝光：
陳庭欣深信Ice cream到溫暖同幸福
陳庭欣傷心地說：「很傷心地到呢刻，我都唔明白點解ice cream 走得咁突然？是嗆水了嘛？定係因為年紀問題？感冒？而最令我傷感嘅係收養咗7年，一直我都好希望有一日，佢會主動上我手同俾我摸下佢，昨日終於可以啦，但、但係係Ice cream 離開咗嘅時候。雖然Ice cream唔係由BB湊大，我亦唔知道佢7年前係點樣喺原主人度走失或是被棄養，亦唔知佢流浪街頭幾多日同受咗幾多苦先被獲救，嚟到我屋企後更成為小霸王，咬我同工人姐姐手指咬到流血好幾次，我深信，Ice cream 7年嚟在我家中，喺感到溫暖同幸福。」
