前TVB花旦陳敏兒經歷過多位摯親離世，包括爸爸、老公廖啟智及幼子廖文諾的離開，近年陳敏兒積極推廣生死教育工作，早前更赴美修讀研究快樂的課程，成立機構幸福生活協會及開設茶室。日前陳敏兒在茶室接受網上節目《健康嗎》的訪問，談到與廖啟智的婚姻，直言早於拍拖時期就曾有分手的念頭。
陳敏兒與廖啟智事業常被作比較
廖啟智於2021年因胃癌去世，陳敏兒走出陰霾，與兩名兒子樂觀面對摯親離世。陳敏兒初入行已與同屆訓練班同學廖啟智拍拖，80年代，陳敏兒成為當紅花旦，但由於她是主角，廖啟智是配角，多年來都被認為是「女尊男卑」。陳敏兒為廖啟智平反：「人哋總係會覺得主角勁啲，配角冇咁勁，真心，我係完全冇呢個想法。我覺得每個角色都咁重要，你睇戲淨係得主角冇配角，成唔成到一場戲？但社會總係會有個比較，我諗佢作為一個男士，都會唔舒服。」不過陳敏兒就很自豪老公是位金牌綠葉，早於80年代演《上海灘》已因演技出眾而受到重用，直至在影壇發展，更兩奪金像獎最佳男配角。
相關閱讀：陳敏兒結婚紀念日悼亡夫：夫妻必定經歷分離 廖啟智癌逝 喪夫喪子歷盡低谷
陳敏兒大爆廖啟智是操控狂？
陳敏兒與廖啟智一見鍾情
陳敏兒與廖啟智初入行便認識，二人是訓練班同學，陳敏兒表示二人是一見鍾情，「鍾意佢夠Cool，訓練班個個都盡量去Show off自己，唯獨呢個廖啟智低頭唔知寫啲乜，輪到佢講，一兩句佢就收口，哇！咁Cool嘅，印象十分深刻。」二人開始拍拖不久，廖啟智便受到TVB重用，出演很多劇集，後來陳敏兒亦成為女主角，二人相處時間變少。直至一次歐遊經歷，更令陳敏兒重新思考他們是否適合對方。
陳敏兒與廖啟智旅行想分手
陳敏兒大爆廖啟智其實有個歐洲流浪夢，有次請到長假，二人決定去歐洲旅行，整件事非常即興，到埗才找酒店，首日就因訂不到酒店而學背包客在巴黎街頭瞓地過夜，陳敏兒說：「都幾浪漫㗎！」不過在一個多月，每天相處的過程中，陳敏兒對廖啟智有很多不滿，「我旅程中暗暗決定咗，返到香港第一件事就係要同佢分手。」陳敏兒表示起行前已做好準備，記下到不同景點的交通方式，有次一個景點需要轉兩程車才可到達，但由於車很久未到，廖啟智堅持以步行方式前往：「佢話唔好等啦，你睇，望都望到喇，我哋行過去啦！」雖然陳敏兒多次提出要坐車，但都遷就當時仍是她男友的廖啟智，二人走了很久仍未到達目的地，最終還是找車乘搭。陳敏兒認為這些經歷證明二人不合適，「坐車定唔坐車，好多呢啲爭拗，我覺得好辛苦，都係咪喇，一返香港馬上分手。」但廖啟智突然接到通告要回香港開工，本來相隔3日便會重聚的二人，在機場依依不捨擁抱大哭，反而令陳敏兒醒悟：「反映咗大家喺對方心目中都係好重要，咁其實點捨得分手？」
相關閱讀：陳敏兒喪夫後罕現身茶聚 臉上未見醫美痕跡 完美示範優雅地老去
陳敏兒向廖啟智迫婚
陳敏兒與廖啟智拍拖多年，於1987年結婚，陳敏兒表示廖啟智是一個對婚姻沒有信心的男人，從未向她提出求婚，「講起都激氣，求婚都係我向佢求婚，可能佢見好多人離婚啦……咁你知啦，如果離婚個男人就要分好多身家畀個老婆之類啦，佢係都唔肯結婚，後尾我就話『唔結婚？分手啦』，於是佢就好驚，就話結婚。」陳敏兒指廖啟智生活上有時很難搞，「我哋啲性格都幾唔夾，好多衝突，但又死都唔放手，就係因為『從一而終』呢4個字對我好緊要。」更直言：「呢個男人好難相處！」
陳敏兒看劉德華演唱會尾場台下對望眼濕濕？
陳敏兒大爆廖啟智是操控狂
陳敏兒表示生小孩後，廖啟智才學懂遷就她，曾幾何時廖啟智竟是一位操控狂，「其實佢都幾操控，放咗工即刻要返屋企，唔准同其他同事去街，男同事更加唔可以，男女同事佢都唔畀我去街，其實大男人㗎！同埋相對地，都係冇安全感囉，我咪遷就佢囉！」陳敏兒續指：「我知佢擔心咩，佢驚會冇咗我，再加上以前我做女主角，佢做配角，嗰個都係一個壓力，佢個自信更加低囉！所以去到呢啲位我特別忍讓佢、遷就佢。」對於與廖啟智常被外界封為模範夫妻，陳敏兒笑言：「你又知？你匿我床下底呀？」她認為愛情最終都會昇華成為親情，要維繫婚姻最重要的一點是，跨過愛情感覺減退的時候，變成親人互相扶持才是最實際的想法。
