現年40歲張致恒（Steven）與老婆區燕雯（雯雯）結婚5年，婚後連誕四子。二人多年來因為財困，時常問人借錢，甚至在網上呼籲網民「課金」幫補家計。張致恒之前收心養性，考獲「平安卡」後到地盤開工、甚至做外判工人，但環境仍然麻麻，雯雯更不時於網上放負，不止一次出現自殺疑雲。張致恒最近接受訪問，指自己每晚也睡得不好，因為他無力讓網民不去指罵他；另外亦承認若非有數名孩子支持，已經走上自殺之路。
張致恒認是人棄歌手
最近有網民於小紅書上載一段張致恒受訪的片段，張致恒當日頭戴黑色賊仔帽，架上巨型黑框眼鏡，再配上藍灰黑橫間Tee出鏡，精神非常不錯，道出他近年少有的心底話：「我乜嘢人我都唔怕，你鬧我唔怕、你打我我都唔怕，痛完轉個頭，傷口就唔會再痛，我做人就係靠咁樣去生存。人棄歌手吖嘛，被人遺棄嗰個棄喎。但畀我重新再做過的話，我諗我都唔會有啲咩嘅成績，因為經驗係累積，即係錯嘅經驗都係要去累積，先唔會再錯，雖然我累積嘅經驗係特別多，一直都係做緊錯。」
相關閱讀：財政預算案2025｜財爺削$2500學生津貼 張致恆育有4子狂呻失5位數 反遭網民揶揄
被老婆炮轟張致恒12字回應：
張致恒每晚也睡不好
「但我覺得錯嘅時候你可能覺得係啱，你覺得啱嘅時候我可能覺得係錯。就算錯都好，就睇吓有咩可以補救嘅方法，去行番啱。其實我每晚都瞓得唔好，冇計呀，香港言論自由吖嘛，你冇理由走上去掌摑人哋個嘴，或者掌摑佢塊面，喂你做咩寫到咁呀，你只可以做好自己囉。」
張致恒指其他人怎鬧轉眼不記得
「有邊個想成日畀人鬧、成日都咁樣畀人去指責呢？就算你講樣粗口鬧我，幾難聽都好，我轉個頭就唔記得。我一直都同好多人講，我話如果冇咗啲小朋友的話，我諗我真係死咗架喇，唔係佢哋去撐住我嘅話，我諗我可能真係死咗。」
張致恒「死性不改」？
張致恒的態度可謂「死性不改」，網民都指：「其實最恐怖的事就是什麽都不識怕…害死自己」、「啥都不怕，被打罵轉頭就遺忘，這才是最致命的，因為不長記性不反思，生活永遠反反覆覆。」其他網民亦負評居多：「點解不努力工作？ 冇錢仲生這麼多？」、「究竟是人棄，還是自棄」、「一邊廂話不想辛苦，一邊廂非但不努力還極度懶惰和縱欲。你怎麼看這樣的事」、「可以學吳浩康打工養家，點解不去，好食懶做，還要大家同情」、「借錢不還，仲有咩值得幫？」、「控制不住下半身的後果」等等。
相關閱讀：40歲前男星情人節被老婆狙擊！狂呻沒錢交電費 12字交代心情令人擔憂
張致恒長年搵工賺生活費：
