古淖文（German）今日（21日）接受新城廣播《勁爆樂勢力》錄音訪問，宣傳新歌《Follow Me》。German透露這首歌是他參加《中年好聲音2》比賽獲得冠軍後的第一首歌，直言精益求精，並在最適合的時間呈現給樂迷，開心表示︰「到目前為止大家反應都好唔錯，佢哋都話首歌洗腦，我係特登做到咁洗腦，現今娛樂圈有好多我好欣賞同好叻嘅人，佢哋都好識得用作品去表達自己意見同想法，所以點樣宣傳自己呢？就係作一首極度洗腦嘅歌。」
古淖文街頭遇古淖文
German首次挑戰為歌曲寫Rap詞，「我都係硬住頭皮寫咗4句，都唔知算唔算Rap，叫做獻吓醜，有待改進。」提到一班「古粉」（古淖文粉絲暱稱）在鬧市購下大型廣告替偶像宣傳新歌，German坦言十分驚喜︰「冇諗過喺各大商場、巴士車身同車站都見到自己個樣，係件好神奇的事，希望可以令更多人認識我呢首新歌！」他笑言5月卸任去為《中年好聲音3》加冕，狂讚今屆參賽者高質，睇好張與辰、羅逸軒、任永健、趙浚承、黃博、陳芷盈。German目標開紅館演唱會，同時承認奪冠後收入增加︰「我易滿足，夠我食飯、買衫就OK，啲衫越平越好。」談到顏米羔稱藝人「表面風光」，他認同︰「賺少少啦，以我身份冇理由賺到好似周潤發咁多。」
相關文章︰中年好聲音｜古淖文99分隨時被打破 有留意「女魔王」黃博等人表現 恨上節目Jam歌
古淖文（21日）接受新城廣播《勁爆樂勢力》錄音訪問。
「古粉」（古淖文粉絲暱稱）在鬧市購下大型廣告替偶像宣傳新歌。
粉絲花錢支持偶像之舉動，German坦言十分驚喜。
古淖文今日到新城宣傳新歌《Follow Me》。
有歌迷表示古淖文新歌《Follow Me》好洗腦。
古淖文在1月舉行了演唱會。
German︰「冇諗過喺各大商場、巴士車身同車站都見到自己個樣！」
古淖文希望更多人認識其新歌。
古淖文話街頭遇到古淖文好搞笑。
古淖文新歌《Follow Me》，fans落廣告支持。
古淖文（中）、顏米羔（左）與譚輝智（右）。早前顏米羔話藝人「表面風光」，古淖文認同。
