《星島頭條》（19日）獨家披露著名填詞人盧國沾逝世，享年76歲。盧國沾的女兒葦蓁其後在社交平台發文證實死訊並留言︰「爸爸今早於睡夢中與世長辭，走得安詳，希望各界給予我跟家人空間，有關後事安排會再通知各位。女兒葦蓁泣告」。
麥潔文︰生命在乎有幾多貢獻
盧國沾名曲無數，麥潔文接受《星島頭條》訪問時對盧國沾死訊，感嘆「人好難講」，認為生命不是在乎壽命有幾長，而是在乎生命有幾多貢獻，盧國沾在樂壇有好大貢獻，為詞壇貢獻良多，麥潔文說︰「佢曾經喺詞壇搞咗個非情歌活動，我都唔執輸，寫咗好多經典歌畀我，好似《螳螂與我》、《唐吉訶德》、《龍壁懷古》，真係好多謝佢。」至於最深刻一次是，早年麥潔文剛出唱片時，盧國沾夫婦約她食飯︰「原來食飯目的，佢係讚我把聲好靚，話『未聽過一把咁靚嘅聲音』，當時我好年輕，呆咗，唔知點回應，佢係第一個話畀我聽把聲係靚。」
區瑞強︰沾Sir是先知
區瑞強視「詞壇聖手」盧國沾（沾Sir）為半個恩師 ，因為1979年他推出第一張中文唱片《陌上歸人》大賣，收錄的佔了一半是沾Sir 填詞作品︰其中《青蔥》、《如火閃閃》大受歡迎，時至今日，每次演出都是必唱的經典，對他影響深遠。區瑞強接受《星島頭條》訪問時，憶述︰「當年黃霑、盧國沾、鄭國江被喻為『填詞3大天王』，係好出名嘅填詞人，無與倫比，當時我仲好年輕，好榮幸有沾Sir及鄭國江聯手幫我，最犀利係佢哋嘅歌曲能配合打造一位民歌歌手，當年中文樂壇從來冇呢類歌手，好感激佢哋。」區瑞強更形容沾Sir係一位樂壇「先知」：「《青蔥》首歌係講厭倦都市生活要歸返田園做農夫，後來我創辦咗『音樂農莊』，係第一位種田嘅音樂人；至於《漁火閃閃》係講出父親對子女嘅愛護，擔心小朋友成長，其中一句『小娃娃 你可知道 巨浪翻起比船桅高』寫得入肉，而家作為父親好有感受。」
患病超過20年
區瑞強深刻記得沾Sir在24年前獲「CASH音樂成就大獎」時，他唱《青蔥》及《漁火閃閃》，當時沾Sir經已中風坐在輪椅上，直至8年前的作品展再見過，其後他專心養病不外出，再沒有交際應酬，也沒有再聯絡，區瑞強證實沾Sir前後患病超過20年︰「唉，都畀病魔煎熬咗咁多年喇！」
周啟生︰兩公婆對我恩重如山
周啟生視盧國沾及師傅顧嘉煇是兩大恩人，他接受《星島頭條》訪問時表示：「人生中跟嘅係煇哥，而帶我行出嚟，坐到高位嘅係盧沾，希望兩個大恩人相約在天國。」對於跟盧國沾難忘點滴，周啟生說︰「最早識盧沾係因為幫師傳顧嘉煇，拎盒卡式錄音帶畀佢，之後盧沾做廣告及管亞視宣傳部，名成利就，睇住我，畀廣告我做之外，仲鼓勵我唱歌，我21歲入到亞視出任音樂總監，以呢個年紀做到呢個職位全世界都冇，其實能刷新健力士紀錄，係由盧沾一手撮合，講真自己未夠班，係佢畀機會。」他還記得，盧太在「電影雙周」刊物訪問過他，讚到他都感到尷尬︰「要講句，兩公婆對我恩重如山，成日人前人後讚我，我覺得自己也被抬舉，其實我邊得呀！」另外，周啟生亦於社交網發文表示：「真心要講一句，如果冇盧先生，我絕對唔會有今日！喺呢度我再三感激呢位大恩人。我咁嘅年紀，生離死別早已見慣，老土嘢我唔想多講，盧大哥：來生再見！」
李龍基唱張國榮劇集《浣花洗劍錄》主題曲
雖然跟盧國沾為李龍基寫過多首歌詞，但兩人交往不多，基哥接受《星島頭條》訪問時表示︰「當年佢為張國榮主演嘅亞視劇集《浣花洗劍錄》寫主題曲，首歌由黎小田作曲，交畀我主唱，後來張國榮出唱片都有重新灌錄過，我係第一個唱。呢首歌亦幫咗一位警務人員重獲新生，好有意思。」基哥最難忘在盧沾作品展中，他同監製提出，欽點基哥翻唱羅文的《醉眼看世界》，覺得他把聲似羅文︰「嗰次亦係我第一次唱《醉眼看世界》，咁我都鍾意首歌，覺得幾得意呀！」
曾路德對盧國沾逝世感愕然
曾路德演繹由盧國沾填詞，麗的電視劇集主題曲《驟雨中的陽光》，8年多前亦有參與《歌詞大師盧國沾作品展演唱會》，她接受《星島頭條》訪問時對盧國沾的離世感到愕然，譁然說︰「呢排咩事呀？嚇死我！」曾路德跟盧國沾不熟，以往合作是透過唱片公司聯絡，她印象中︰「8年前喺作品展上，佢已經中咗風坐輪椅，由家人推住出入，而且同佢握手打招呼經已冇乜反應。」曾路德當時見狀，感慨人老了就多病痛，十分可憐，不過，縱使盧國沾患病多時，始料不到黎小田比他更早走，生命真不能預算。
