江若琳（Elanne）去年底在彌敦道發生「自炒」車禍導致反車，成為熱話人物，事發灣位更被網民封為「江若琳灣」，她亦笑言：「失禮！」慶幸沒有生命危險。江若琳因禍得幸，近來曝光率大增，日前她與老公、前組合「Bliss」成員蕭唯展（前名蕭潤邦）接受網上節目《絲打圍爐》訪問，談到不孕轉機及驗身經歷，最終喜獲一子。
江若琳自認為容易懷孕
江若琳分享，她與蕭唯展都認為自己好健康，她更一直覺得自己是容易懷孕的女性，但自有計劃想生子女，卻許久未能成功懷孕，她表示：「因為我覺得我好健康，我又唔食垃圾食物，同埋我成日做運動，我啲作息又……唔夜瞓啦！所以覺得自己應該好易（懷孕）。」
相關閱讀：江若琳車禍後最新情況曝光！ 老公蕭唯展還原事發經過：架車失控
江若琳夫婦苦尋坊間懷孕秘訣
江若琳與老公蕭唯展為了生育，開始尋找坊間的懷孕秘訣，江若琳說：「例如啲朋友介紹神級中醫，人哋話個中藥百發百中，食完（中藥）就一定會中，完全冇啦……睇咗半年呀，都完全搞唔掂。」他們聽取意見，計算排卵期、驗完體溫再行房亦不見效。主持唐詩詠好奇問道：「有冇試過倒吊？」江若琳表示：「咩都試過，我朋友仲畀咗包佢懷孕前用剩嘅衛生巾我。」蕭唯展直言連許願也試過，無奈江若琳也未能成功懷孕。
蕭唯展驗身檢查精子
江若琳後來與老公蕭唯展商量，如果自然方法難懷孕，不如嘗試試管嬰兒方式。於是他們驗身，蕭唯展表示：「以為生仔好易，都係咁啦，點知搞咗四、五年都冇。跟住就去Check啦，驗精子，跟住佢（醫生）就話『好似無頭無尾』，啲精子斷頭斷尾。」蕭唯展指醫生解釋男士有以上情況，其實非常普遍，他說：「我以為有做運動，飲食又健康，我亦因為呢件事（準備生育）戒咗煙，酒不嬲都好少飲，又冇乜壞習慣。」至於精子「無頭無尾」的原因，可能與年紀等有關，但很難得知真正問題。蕭唯展稱報告不樂觀，雖知問題很普遍，但坦言受到打擊。唐詩詠突表示：「（斷精）有冇相睇㗎？我想睇。」蕭唯展笑回：「你要唔要？你唔好睇相啦，你……」蕭唯展作狀起身傾向唐詩詠，引發全場笑聲。
相關閱讀：江若琳直認意外後對駕車有陰影 : 合埋眼就想起事發經過 車禍地點變成「江若琳灣」感尷尬
江若琳住複式大屋望無敵大海景：
蕭唯展驗精過程好尷尬
蕭唯展分享驗精過程令他非常尷尬，擔心被認出。蕭唯展表示到診所發現有很護士，「我同佢講我嚟驗精，佢哋畀個樽我，跟住帶我去間房，入面有部電視播埋啲八十年代色情片，始終過咗時，唔得啦，可能因為嗰套片令我『無頭無尾』啦！」過了約兩周回到診所聽報告，他仍擔心被認出，「我又縈住啦，嗰啲畫面……好似笑我咁，唔通個結果好羞家？」醫生指，蕭唯展的精子並非全部「無頭無尾」，只是正常的精子比較少，因此命中率不高。蕭唯展一度考慮讓江若琳做人工受孕，但得知過程非常辛苦，他不想辛苦江若琳，因此決定放棄此念頭。蕭唯展用半年時間令自己身體更健康，連咖啡、火鍋都戒掉，最終再驗精情況有很大改善，改變了必須生育的心態後，順其自然反而成功懷孕。
