80歲「廟街歌王」尹光曾自爆爛賭，一晚輸了一層樓，尹光感謝老婆李麗儀不離不棄。近日尹光夫婦同框受訪，尹光多次被老婆反窒，表現得好好脾氣。李麗儀更大爆尹光仍然欠她錢：「喺澳洲輸咗錢，我幫佢還咗幾千蚊，而家都未還過畀我！你好快啲還添呀！」
尹光結婚43年終於養得起老婆
尹光與老婆李麗儀日前接受資深傳媒人汪曼玲訪問，分享結婚43年的生活。尹光早年因為爛賭，賺來的歌酬幾乎無剩，李麗儀自言是知足的人，從不求老公富養。李麗儀表示：「而家佢有錢畀我㗎喇，放心！佢會自動攞錢畀我，或者有時我買咗件衫，佢會問『幾錢呀，畀返你啦』，以前冇㗎！以前好難呀！」尹光亦表示：「以前佢自己買啦，以前旅行要夾錢㗎，大家唔夠用。」李麗儀表示自己沒有所謂，不過後來又開玩笑「追究」老公，「喺澳洲輸咗錢，我幫佢還咗幾千蚊，而家都未還過畀我！你好快啲還添呀！」尹光笑回：「咁多年，一早還晒啦！」一言一語充滿老夫老妻的溫馨感。
相關閱讀：80歲尹光與靚老婆同框照罕曝光 曾因爛賭一晚輸一層樓 用X元追到女神
尹光與老婆受訪曝光陳年家庭照？
尹光婚前好花心
尹光直言自己婚前非常花心，李麗儀亦證實老公婚前多女人，「我都唔知我係叫由得佢？定隻眼開隻眼閉……」尹光笑指：「以前後生未結婚，唔玩先奇啦！」不過修心養性多年，尹光都大讚賢妻，「好好，真係好難得！」直言二人如今形影不離，雖然李麗儀曾勸老公退休，但因為尹光仍熱愛唱歌，她亦非常尊重，只能從旁幫忙及支持他。
李麗儀已退出歌壇
李麗儀表示早年自己有登台唱歌賺錢，不過近年自覺兼顧不來，因為要服侍老公，又要為老公監督服裝，實來太忙碌，她表示：「既然吃力咗，喺舞台交唔到功課畀觀眾，不如唔好唱。」因此近年李麗儀已退出歌壇。
相關閱讀：80歲「鹹濕歌王」紅到加拿大！潮Look示人極受少女歡迎 出身富裕早年偷渡來港
李麗儀被兒子勸「賣肉」？
尹光提供了一家三口的陳年照，及近年的家庭照，透露已經有兩個孫女，兒子早已移民到外國。提到兒子與孫女於2023年上台表演的經過，尹光都表露出冧樣。李麗儀說到，早年到酒樓登台，因為要照顧獨子，於是帶他到工作場所等待，坦言一度想教兒子唱歌，一起賺生活費。不過李麗儀因一事最終打消了讓兒子表演維生的念頭，她表示：「嗰時星馬好興請人去酒樓唱歌，先係一件晚裝好靚咁，encore就除晚裝，着件泳衣出嚟。當時我個仔讀一年班，佢放學，個工人休息，我就帶埋佢開工，原來佢一路做功課一路睇騷，跟住問我唱一場幾多錢，我話3蚊，咁姐姐（穿泳衣出場表演者）呢？我話5蚊。佢問點解我唔唱5蚊，我話姐姐要着泳衣喎！我個仔叫我當去沙灘囉！咁我就知佢搞唔掂喇，我以後唔敢帶佢出去唱歌。」
相關閱讀：80歲尹光結婚42周年晒恩愛合照 太太氣質優雅撞樣陸詩韻 同偕到老全因一件事
重溫廟街王子變光B：
