現年64歲、童星出身的陳安瑩，小時候在片場打滾，是粵劇名伶鄧碧雲契姨甥女、關德興契女，曾跟關德興夫婦合演多齣黃飛鴻系列電影，長大後加入TVB工作，曾演出逾百部劇集，從可愛少女與劉德華、張國榮、梁朝偉合作，到中年常接演媽媽、清潔阿嬸、工人等角色，多年來演閒角、醜角為主。
直到2012年，陳安瑩與TVB結束33年的賓主關係，近年來都以自由身接工作，主力擔任配音和導配的工作，拍劇的機會不算太多。陳安瑩日前接受方健儀的YouTube節目「女人方言」訪問，入行半世紀的陳安瑩，回望過去，她坦承30歲時，已覺要向甘草進軍，甚至犧牲身材刻意增肥為擴闊戲路。
相關閱讀：關德興契女63歲仲Keep到「娃娃臉」！入行逾半世紀常做綠葉 拒利用超強背景搵食
陳安瑩立志做甘草演員？
陳安瑩的人際網絡相當強勁
陳安瑩在TVB工作多年，雖然主要演綠葉角色，但其代表作《射鵰英雄傳》系列、《神鵰俠侶》中飾演「傻姑」、《日月神劍》的「嬌嬌姐」、《倚天屠龍記》的「殷離」、《怒火街頭2》的「何永嫻」都是其經典角色，雖然陳安瑩的人際網絡相當強勁，但似乎未有對演藝生涯有太大影響，陳安瑩說：「我從來都唔覺得係優勢，細個嗰陣反而唔想畀人知，唔係咁想叨人哋嘅光。」陳安瑩坦言受林嘉華的影響，想去做女警，但最後竟然打消念頭，走去考藝訓班：「讀完藝訓班之後，好彩爸爸嗰陣唔喺香港，如果唔係我唔會入行。」
陳安瑩33歲演藝事業出現轉變
不過在陳安瑩33歲的時候，演藝事業出現轉變：「嗰陣港台有個節目搵我做未婚媽媽，但係最致命嘅一樣嘢係有一套劇，智叔（廖啟智）做我老公，羅蘭做我奶奶，但係楊怡做我個女，我睇到個畫面真係唔得，如果要整師奶頭，又好似細路女扮大人，拉直頭髮同個女差唔多，我真係過唔到自己。」陳安瑩續說：「我已經唔係咁高大，唯一辦法就係食肥自己，如果食肥咗，而我嘅身體健康係唔得嘅話，我就一定唔會，但係我食好開心，我又健康，所以喺40幾歲後，我就開始真係要食肥，做啲阿媽或者阿姐嘅角色，戲對我嚟講，唔通阿媽嘅戲唔係戲？」
相關閱讀：62歲傻姑陳安瑩娃娃臉保養得宜客串劇集勁驚喜 背景超猛有「黃飛鴻」做契爺
陳安瑩昔日作品重溫：
陳安瑩覺得自己只不過喜歡演戲
陳安瑩覺得自己只不過喜歡演戲，是否女主角又不太重要：「我喺3、40歲嗰陣，已經諗住向甘莫草進軍，你所謂做一個甘草，唔代表你嘅思想唔郁，你要與時並進，而家嘅潮流興乜嘢係要知，唔可以因為做甘草就覺得自己好老，你仲可以喺個圈做甘草嘅話，首先你一定要記得對白。」
陳安瑩有一個拍拖超過40年的男友
陳安瑩本身有一個拍拖超過40年的男友，她曾稱本身性格熱愛自由，所以沒有結婚念頭：「以前阿媽話黃大仙叫我30歲前唔好結婚，過咗30歲結乜鬼婚，結唔結冇所謂，唔覺得要畀咩嘢名份，活得開心先重要，而且我從冇想過生孩子，所以冇壓力。我成日同男朋友講，唔同我一齊，鍾意咗第2個都冇所謂。有人煲湯、照顧佢，點解唔愛屋及烏？」在節目上，陳安瑩斬釘截鐵地說：「我冇諗過結婚，我哋成日分隔兩地，如果要緣盡於此咪由佢，但係如果佢想同我一齊，但係偶然去風花雪月，我又會覺得你一生人本身鍾意圓形，偶然鍾意吓三角形都可以呱。喺而家呢個世界，好嘢都唔可以睇得太長。」
