現年43歲的黃建東早前憑《福祿壽訓練學院》再次冒起，最近黃建東現身城大出席「全港創意公關大賽2024」，分享創作及「扮嘢」心得，身為「比賽控」的他曾參與《香港先生選舉》、《全能司儀大賽》、《福祿壽訓練學院》多項比賽。渣打香港馬拉松2025明天就舉行，黃建東今日更新IG，公布自己原來亦有報名，更挑戰難度極高的半馬。他透露自己原來近年患有足底筋膜炎，於近乎零操練、明天早上香港僅得9度的嚴寒情況下，惹來不少朋友擔心他明天的健康狀況。
黃建東見減肥成功挑戰半馬
黃建東今日下午更新IG，他表示：「一直猶豫掙扎緊好唔好宣布，但係明天就係喇，終於要話俾大家知，我聽日參加咗人生第一個渣打馬拉松半馬。好多人問我做乜唔先試10K ？其實唔記得咗係2013定2014 ，嗰陣時已經跟TVB大隊報咗10K ，當年完成時間係大約1小時7分鐘。個心之後一直都好想試半馬，結果上年因為瘦咗30磅，又一直有做開運動，見係時候可以push自己就膽粗粗報咗渣馬2025半馬，點知第一round就入到圍。」
相關閱讀：43歲TVB男星暴瘦樣搭港鐵被指行為不當？ 被網民評為暗星出Po親回：星途坎坷
黃建東腳患未癒竟挑戰半馬：
黃建東因減肥傷腳
黃建東再補充：「其實九月頭已經想開始練跑，但係因為舊年喪減肥喪踩機嗰陣整親咗隻腳，左腳腳踭有足底筋膜炎，嚴重嘅時候連行步路都好痛。試過痛症試過中醫針灸試過打衝擊波中西合璧，但係好似點樣醫隻腳都好唔番。佢哋都話你隻腳咁樣唔好練住，所以一直都唔敢full out訓練，明明身邊有好多跑手好友可以幫我。」
黃建東左腳腳踭患足底筋膜炎
黃建東的身體狀況不佳但仍挑戰半馬，令身邊不少朋友擔心：「跟住當我話俾人知我報咗半馬嘅時候，好多人叫我放棄唔好跑，又或者改跑10K，但係其實報咗就唔可以改。我有段時間個心都諗住打定輸數，因為一直都冇得練跑，但係心底知道其實好想挑戰自己，好想克服呢個半馬，係我一個小小嘅bucket list item之一。我唔想輸俾足底筋膜炎，我要戰勝佢！唔可以影響到我嘅 2025 To Do List！前幾日終極訓練，兩小時內最多都係跑咗14K，已經係人生跑最長嘅里數。Anyway聽朝 8:40am，我係渣打香港馬拉松 半馬拉松三組 -G1728 嘅 Wong Kin Tung。我嘅目標只需喺3小時內順利完成跑完半馬就係當贏！」
黃建東中西合璧治療雙腿
黃建東更上載數張照片，看見他拿着渣馬比賽物品，證明是本屆渣馬的參賽者之一，另外他更Po上6張正在治療雙腳的照片，看到醫師將各式各樣的治療器材施於黃建東的腳上，他更顯出一副痛楚的表情。另外亦有他臨急抱佛腳終於練跑的照片，看到他心情暢快，準備好接受挑戰。半馬距離總長 21.0975 公里，一般非職業跑手，或需3至4小時才能跑完。
相關閱讀：黃建東大熱想洗底 趙頌宜打敗心魔《福祿壽訓練學院》十強壓力爆煲丨名人雜誌
黃建東北上去山姆狂掃半車美食：
