鄭嘉穎和陳凱琳（Grace）今日（8日）夫妻檔出席珠寶店活動，Grace配戴過千萬鑽飾，二人閃爆登場，又談及保持甜蜜是要溝通，仔仔睡覺時就是二人me time，嘉穎亦感謝太太的包容，彼此相處融洽。
嘉穎讚Grace網上短片出色
嘉穎表示甚少夫妻檔工作，Grace笑指叫老公客串拍片，老公也說不需要。嘉穎即笑說若不用錢也能找他，哪有誰找他，並叫老婆給予條生路搵食。嘉穎讚Grace網上拍攝的短片拿捏得好，度橋、編劇和演繹皆出色，他給予太太意見只是畫龍點晴。
大仔要在酒店過生日
情人節將至，Grace表示2月14日是大仔生日，每年都與仔仔慶祝，今年將去主題公園staycation，去年在郵輪慶祝令大仔極開心。嘉穎指大仔性格外向，生日不喜歡留在家，喜歡住酒店，所以每年大仔生日也不在家。嘉穎又稱已相約太太預先過二人世界預祝情人節。
難忘巴黎任揀首飾
兩夫妻又憶起拍拖甜蜜事，嘉穎表示當年特地飛往法國找Grace，在巴黎一間最大首飾店讓Grace任揀一份禮物，他笑言當時也有點驚不夠錢收數，豈料Grace揀選最細粒心形鑽石戒指，當時他心想這個可以做老婆。Grace表示沒想過是個「考試」，自己向來喜歡簡單款式。嘉穎表示所以結婚買了大粒鑽戒給Grace，Grace說今年是拍拖結婚十周年，問會否重遊巴黎？嘉穎笑言那就要偕同三個兒子，至於會否再讓太太任揀首飾，Grace表示有小朋友後更不會任性。
Grace唔想戴住面具笑騎騎
談到農曆新年，Grace表示因屋企有小小事情，不方便四出拜年，到訪拜年的人也只屬小數。是否因此缺席「鐵馬家族」團拜？Grace解釋因要照顧家人，「有好幾個朋友叫，我哋都同佢講遲啲先，又要照顧屋企人，唔想日日戴住面具笑騎騎咁。」嘉穎也開腔表示：「朋友其實好簡單，唔需要搞到好複雜，唔係唔出席就等於唔妥，呢個話題一年多唔想重複講。冇話不和，大家唔需要擔心，冇見面係時間上夾唔到。再講好悶，成日提呢啲話題，見到就見。有小朋友嘅都知道，永遠大時大節都會將啲時間畀晒小朋友，唔同人生階段做唔同嘅嘢，依家一定以小朋友為先，無需要小事化大。」
