每年農曆新年最令小朋友期待的，莫過於是收利是，假如收到偶像親手派發的利是，更加是喜上加喜！近日有不少網民留言稱收到藝人派的利是，還紛紛將銀碼公開。早前有網民稱楊千嬅向工作人員派$1000利是，有粉絲獲劉德華派贈雙封利是，但未有透露總面額，只稱銀碼是$20。
吳家樂因收不到麥玲玲的利是嬲嬲
日前有網民在抖音平台晒出「龍」字圖案的利是封並寫上：「拿過幾年大哥的紅包。」有人追問「龍」是否指成龍大哥與及利是的金額，對方禮貌回應：「對！每年不一樣，$500和$1000都有。」成龍大哥果然出手闊綽。吳家樂、梁思浩和江美儀在Youtube節目《娛樂好好玩》上，大爆圈中藝人派利是的習慣，吳家樂竟然因收不到麥玲玲的千元利是而嬲嬲。
相關閱讀：鄧兆尊再爆料！疑暗示馬清鏗大婆孔令琦或採取法律行動 直言五索行錯路不知被利用
梁思浩吳家樂爆圈中藝人派利是習慣：
吳家樂爆阿姐封10蚊利是
在節目上，吳家樂、梁思浩、江美儀和鄧兆尊邊打牌邊閒談藝人派利市的習慣，吳家樂說：「呢個係行規，不論你結婚定未結婚，初一都要派開工利是，總之見人就派，唔會閃縮。但係有陣好尷尬，做𡃁仔搵得唔多，冇理畀10蚊，入一廠諗派幾多錢起碼200封。」吳家樂續說：「跟住發覺有個阿姐搵咁多，原來都係派十蚊一封，咁即刻，連阿姐都係咁嘅時候，我就唔需要太介意嘞，佢都係十蚊，我條氣好舒服，即刻貶值，最重要利是封唔好印記。自從嗰次之後，其實利是真係利利是是，大家唔介意我畀多與少，都係一個祝福。」鄧兆尊即提醒：「你會唔會講咗阿姐有啲….」，吳家樂即打圓場：「係咩我講咗出嚟咩？咁有好多阿姐嘅。」
相關閱讀：TVB前花旦冇錢派利是？半夜低調向閨密求救 慘被拍片公開尷尬陪笑
汪明荃豪宅招呼半百親友團拜：
相關閱讀：王賢誌申請破產丨吳家樂對「舊愛」破產不愕然 早年已聽聞欠下街數 罕談當年被示愛經過：拉我落水！
梁思浩爆圈中有兩個人出手超闊綽
梁思浩表示有兩個人出手超闊綽，每一封都是一千大元，鄧兆尊說：「我都有收過，而家可能少咗，但真㗎！」梁思浩續說：「廿年前真係堅挺，初一嚟到就派十幾萬，好犀利！一位藝人一位風水師父。」原來梁思浩所指的是麥玲玲師傅。雖然麥玲珍基本是逢人派，但吳家樂就指自己曾向對方拜年講恭喜發財，殊不知換來一句「你唔使啦」：「點解我唔使呀？」梁思浩說：「佢係咪覺得你有錢過佢？」，吳家樂則說：「嬲嬲豬呀，冇理由，佢事業心咁重。」
