連詩雅（Shiga）與陳家樂去年7月誕下女兒陳星頤（Camila），近來流感肆虐 ，就連Shiga與半歲大B女亦「中招」。Shiga昨天（4日）在社交網透露與囡囡齊齊病倒， Camila更燒至40度，嚇到Shiga不停喊。
Shiga擔心囡囡不停喊
Shiga表示整個新年假期都在家中度過，她寫道：「消失的新年。。。今年年初一一起身，我同個女一齊發燒，我就38.7度，我個女就39.2度。雖然話BB發燒，好小事，可能出牙，長高之類之類，不過佢人生第一次發燒，加上我都幾肯定應該係我傳染個女，因為我之前嗰日已經開始咳得好勁。雖然我都有同佢保持距離但係都係避唔過。同日嘅下午佢直頭燒到40度，我已經嚇到不停喊，陳生9秒9車我哋去急症，好彩檢查唔係流感只係普通感冒，返到屋企食藥咁就過左3日。。。」
Shiga與半歲大B女Camila，齊齊感冒、發燒。
與囡囡齊齊病倒的Shiga，透露嚇到不停喊。
所以Shiga整個新年假都在家中與女兒一起度過。
Shiga亦有在IG分享Camila坐在床上聽媽媽唱歌的影片，相信已經病癒了。
Shiga表示因囡囡燒到40度，老公陳家樂即刻送他們到急症。
Shiga表示非常感激老公陳家樂的照顧。
Shiga感激老公陳家樂的照顧
Shiga續指：「我哋兩個都好似昏迷咗三日咁，淨係起身食藥瞓覺，最後我哋喺屋企渾渾噩噩咁就過咗個新年。呢兩日先開始回魂，所以話新嘅一年乜都係假，總之就身體健康開開心心食得瞓得，就已經好感恩。#咁就喺屋企過左7日」Shiga更感激陳家樂的照顧：「辛苦陳生照顧我哋兩個，邊度都冇得去。希望我哋一家今年都健健康，大家都心想事成，開心最緊要。遲來的新年快樂，阿女終於精神返﹗」而從Shiga分享的短片中，見Camila坐在床上聽媽媽唱歌，表情可愛，非常醒神，相信已經病癒了。
