45歲的林盛斌（Bob）是娛圈多仔公，他與太太黃乙頤（Pearl）結婚17年，育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿！緊張爸爸的林盛斌去年大女16歲生日時，曾在社交網貼出父女合照，並留言：「呢啲款，我細個嗰陣，溝硬，唉，真係越嚟越擔心……」林霏兒初長成，更進入拍拖階段，亦打算帶男友回家見父母，對此林盛斌十分擔心，更在IG及FB出post向好友及網民索取民意。
林盛斌大女帶男友返家見家長
養兒一百歲，長憂九十九！林盛斌為了首次見大女林霏兒的男友作好準備，他昨日（1日）在IG及FB發帖求助，寫道：「我個女話 今晚帶佢男朋友返嚟見我 請問有啲咩我要注意？」林盛斌出post後，好友及網民紛紛留言「掟橋」，不過「好橋」、「屎橋」好壞參半。
相關閱讀：林盛斌靠一件隨身物催財運 阿Bob旺財運法9招曝光 送C君冇銀碼支票有寓意
林盛斌出post徵網民意見：
湯洛雯戴夢夢叫林盛斌收起利器
林盛斌好識玩社交平台，經常跟網民互動，IG及FB有逾62萬followers。林盛斌昨日出求助post，他的圈中好友及網民一呼百應，提議林盛斌準備假髮、麻雀，更勸他先收起利器……陳家樂表示：「戴返個假髮，扮唔係bob」，湯洛雯表示：「入廚房收埋啲刀先」，朱智賢表示：「搵人綁住你對手」，戴夢夢也指：「收埋把鉸剪」，何浩文則列出4點讓林盛斌參考，「1.全程保持一個你知佢想點嘅微笑，2.間唔中望住佢，到佢望到你望佢就點住頭望去等二度，3.唔好同佢講太多嘢，講到重點嗰句就停低唔好講，4.佢走嗰下同佢講，得閒再過嚟坐吓
全程記得保持1.👍🏽」而江嘉敏和Patrick Sir林溥來同樣建議林盛斌要保持禮貌的笑容。
林盛斌一家向汪明拜年有驚喜
不過林盛斌未有再透露見完大女男友後的感覺，反而老婆今日（２日）在IG限時動態貼上向汪明荃拜年的相片，難得有這機會，林盛斌一家當然齊齊合照，林盛斌老婆更加少女心盡現。
相關閱讀：Bob林盛斌揭曾因太寸嘴被「接放學」圍毆 一度埋怨社會：好多人想你死｜與天地對話
林盛斌越撈越掂：
網民提議林盛斌跟愛女男友打四圈
另有不少網民拋橋，「打番4圈先」、「準備副麻將，睇女婿牌品」、「排品好就是人品好，人品好就可以安享晚年」、「問佢有幾多身家，父母做咩職業，住係邊到，幾時娶你個女」、「千奇2公婆見到唔好流口水」、「記得做足安全措施」、「友善接待女兒的朋友，同你接待自己朋友到家一樣，都期望仔女乖巧、懂事、有禮，而家相對一樣吧，好好認識下、了解下，個男仔都驚㗎！見家長，你想下自己當年，何況你咁有名、名人嚟喎！」有網民溫馨提示林盛斌，「要注意你的血壓…先量量有冇突然上升，深呼吸…一呼一吸…要冷靜冷靜」、「留意一下廚房的刀仔有冇磨利咗沒有，轉頭食咗啲血壓藥，留意血壓！」
