MIRROR成員盧瀚霆（Anson Lo）、李駿傑（Jeremy）將聯乘韓國天后宣美（Sunmi）於2月13日及2月16日假亞洲國際博覽館舉行《Katch the Pop SUNMI x ANSON LO x JEREMY》音樂會。兩子預告蛇年大計、Jeremy大爆Lo去旅行「咪咪摩摩」的一面，中學時期巳開始追星的Lo會儲錢買Twins專輯。 文： 陳凱詩 圖： 朱偉彥 Anson Lo Hair:Denny Ku @CHIC Private I salon Makeup:Rainbow Chung @Annie G. Chan Makeup Centre Wardrobe:Mr porter, I.T Stylist:PIPA Creative Jeremy Hair:Lydia Yung @CHIC Private I salon Makeup:Rainbow Chung @Annie G. Chan Makeup Centre Wardrobe:Fendi Stylist:PIPA Creative
Lo與Jeremy視宣美為偶像
Lo與Jeremy向來視宣美為偶像，兩子早於中學時期由對方是組合Wonder Girls年代已經開始留意她，被問到讀書時期是否要儲錢買對方的專輯？Jeremy就表示會在YouTube頻道睇宣美的表演片段；而Lo就透露中學時期未去到要買專輯，但會在網上不停睇Wonder Girls的MV，以及宣美獨立發展後的作品，他更笑言：「嗰陣通常儲錢買碟係Twins嘅年代。」問到當年追星年代，有否試過去機場接機？兩子都表示未試過，不過，Jeremy就自爆曾經試過通宵排隊買演唱會飛，不過排到中途卻放棄了，翌日早上再去重新排隊。
Lo終明白到神徒感受
早前Lo與Jeremy為演唱會飛韓國集訓，主要綵排了兩首歌及學了最基本舞蹈的部份，期間宣美更突襲探班，女方更掂到Lo的手，Lo坦言既驚訝又緊張:「因為喺韓國文化skinship（身體接觸）係好緊張嘅一件事，所以佢以前輩嘅身份鼓勵我，覺得好驚訝。」Lo更笑言終於明白到神徒（粉絲暱稱）的感受。至於三位的crossover會否有粉絲們最期待的辣身舞，Lo就表示要視乎對方排舞老師的編排，並透露屆時會盡地主之誼帶宣美去食中餐，笑問會否派利是給宣美，Lo鬼馬地說：「係咪前輩比我哋！」而Jeremy亦笑說：「前輩你嚟到香港要比利是我哋！」
二人認默契 交流靠眼神
Lo與Jeremy被粉絲封為「95line」CP，除了因為源於二人同是95年出世，亦是因為他們感情非常好！他們笑言現在基本上可以用眼神溝通，非常有默契，Lo表示：「應該而家成隊MIRROR嚟講，我同Jeremy係最用眼神去說話嘅人(Jeremy：呂爵安都可以嘅）近排少見面，多見Jeremy，所以好多時都知大家諗緊咩，知大家鍾唔鍾意當一刻嘅嘢。」
AL揭12子未試過嗌交
到底二人有否鬧過交？Lo就表示：「Jeremy有嬲過我囉，但都係啲日常嘢，譬如我好論盡或者遲出門口，但嗰種嬲都係忟憎，唔係真係嬲，未試過真嗌交。」Jeremy續大爆Lo經常「咪咪摩摩」：「嗌佢都會起身嘅，但就要做吓其他嘢先，跟住喺廁所又好耐，到出門口啦，佢就會話等多5分鐘，其實係15分鐘。」他又補充其實MIRROR 12子未試過真正嗌交。
在Jeremy心目中Lo像一個BB：「而家都一樣仲係BB黎，可能佢對住熟嘅人就會比較relax，可以做返自己，成日都會詐嬌。」Lo即謂：「通常我好攰或者好煩惱嘅時候，如果Jeremy喺隔離，我就會挨咗落去，我就會Jeremy…Jeremy…呢個係出道第一年開始到而家都係咁。」相反在Lo眼中，Jeremy是一座冰山，非常懂得控制自己情緒及照顧別人一切的大哥哥。
MIRROR分小組拍團綜
蛇年工作大計，二人即欲言又止，在旁的花姐即笑言：「唔可以exactly講，你試吓用你嘅智慧去答。」最後二人都來個大劇透，Lo表示會於下半年推出專輯及個人演唱會，而個人演唱會則會在年底12月聖誕前舉行；至於Jeremy就一樣會出專輯，並於年中舉行個人演唱會，而在再三逼供下，他就來個大劇透：「女神太妍就會喺6月7日嚟香港，我提示係我可以好安心地睇我女神嘅show」換言之Jeremy的個人演唱會將會在今年6月7日前舉行。至於，MIRROR亦將會分小組去拍團綜，他們劇透會去大家耳熟能詳的地方，主要拍攝吃喝玩樂、輕鬆的節目。
