雲浩影（Cloud）今日推出第3張個人專輯《TOUCH OF ABSENCE》，以自我成長為題，與Cloud之前兩張專輯互相呼應，描述傷痛過後、沉澱自我再重新出發的過程。
雲浩影散發另一種性感美？
為拍攝新碟靚相，團隊為Cloud準備了不少造型，當中最搶眼的是紅色上衣配襯透視珠片裙，以及高貴的白色貼身長裙，兩套衫均有若隱若現的感覺，Cloud︰「為了拍照，都有做Gym、打網球同食少啲Carbs（碳水化合物）。呢啲衫都係我平時比較少着嘅類型，我好少着紅色，為咗迎合主題就試咗好多唔同顏色，表現到雲唔同嘅面貌同狀態。」
雲浩影新碟造型，紅色紗裙體態撩人。
雲浩影新碟索照，紅色紗裙若隱若現十分挑逗。
雲浩影銀白貼身裙，扭動蛇腰。
雲浩影出新碟嘞！
雲浩影冬天玩水。
雲浩影話影專輯靚相玩水都ok！
雲浩影好誘惑。
雲浩影專心聽指示影相，美態盡現。
雲浩影唔怕凍，面不改容。
雲浩影想2025年開到個唱。
雲浩影屈就瞓枱底
團隊利用水、冰去表達雲不同的狀態，其中一個場景，Cloud要躺在玻璃餐枱下，工作人員再從高處倒水至枱上以捕捉唯美畫面。Cloud在狹窄空間內擺出多個甫士，難度爆燈，說︰「辛苦係可能要用手踭撐住石屎地，成個身嘅力放晒喺度，或者着住珠片裙要做啲姿勢，呢啲珠片全部拮入肉！辛苦但係值得。」談到新年願望，她直言舉行個人演唱會，「入行都一段時間，好想將自己儲落嘅歌，排一個演唱會嘅Rundown送畀大家。」
