車路士已經英超5場不勝，究竟季初令人眼前一亮既藍軍其實係咪曇花一現？今次會同大家睇睇教練先。
體力留放依然係最擔心，每一場波都要到80分鐘先換人，本身正選嗰班付出好多，去到季中自然會跌；再加上後備嗰班出到嚟得10分鐘表現自己，時間亦都係好緊絀，狀態自然都唔會夠Fit，即使有歐協聯，但係強度都係偏低；又有啲人唔啱用，再儲咗咁多玻璃腳，去到?家開始隱患浮上水面。
每一場波都係企同一個位，防守方面無乜點執過，Switch off當然係大問題，但係每場波都係咁守，當近5場波有3場都係未能將領先優勢帶到尾，正正就反映出係體能頂唔到去最後。陣上好少會拖慢個節奏，控制番個場面，做得唔夠理想。譬如曼城攞冠軍嘅球季，都係會特登搓慢對手，今年嘅利物浦亦都係選擇時間撳掣，馬列斯卡真係要喺?方面落下力。
體力留放去到下半季一定會繼續遇上，一場波踢90分鐘，場場捱唔到尾真係會想死，下一篇會從球員角度出發。Willhappy
