改編韓劇的港版《無用的謊言》正在熱播，ERROR成員郭嘉駿(193) 在戲中以又盲又有疤痕、污糟邋遢的形象亮相，令人留下深刻印象。劇集下星期將會進入結局篇，193已預告自己因籌備ERROR 1月25日假會展的演唱會，將有機會缺席《無用的謊言》大結局活動；同時，他亦劇透其演唱會的舞台設計， 及力sell大家最貴門票最抵睇。攝影 : 林賓尼
採訪 :娛樂組
《無》中193飾演的「高嘉豪」，為了幫妹妹報仇與姜濤有大量博打場口，角色在原著是一位40多歲的大叔，但他和導演商討後，擔心年紀說服不到觀眾，最後將原著的角色修改，193表示 : 「導演覺得我唔夠滄桑，但係個角色需要令到人同情，本身諗住跛腳，但我長期要同姜濤打交，跛腳唔方便，所以最後就設計因為工業意外，令到我一邊眼睇唔到嘢！」
私底下與姜濤相熟
193表示角色和現實生活中的他性格相近，一樣都是衝動和以直覺行先，不過，他坦言「高嘉豪」比193衝動得多，因為經常會出手打人，更自嘲現實中的他只會在網上打字鬧人。戲中，193認定姜濤是殺死妹妹的人，所以每次見到姜濤都會用不同方法至他於死地，但193直言其實私下和姜濤關係友好，所以拍攝時亦充滿默契，大家不用花太多時間磨合：「出道到而家同姜濤都有keep住聯絡，不過佢畢竟係一個『失蹤人士』，有時搵佢一、兩日後先會覆機！今次合作，因為互相太了解大家性格，所以一拍認真戲時，大家都會忍唔住笑，但之後好快就投入狀態。」
預告演唱會有派利是環節
提到ERROR 事隔兩年後即將於本月底再開演唱會，193憶起上一次開騷前感染新冠病毒，並要打「開聲針」上陣，相當痛苦，所以今次特别養好身體，希望以最佳狀態示人。對於今次演唱會，193認為價值$1180 最貴的門票最抵睇，他表示：「可能大家都覺得我哋唔值咁貴嘅飛，但以我所知次等價錢嘅門票已經售罄。聽有啲fans講，佢哋擔心會展前排平地睇得唔清楚，所以寧願買後啲打斜位置！但係我想講今次坐得越前，係越多互動接觸。」
193續搞笑劇透：「今次演唱會舞台係十字延伸到左右前後，我哋亦都會有收利是環節，因為嗰日係保錡正日生日，我同肥仔都係早一個星期生日，我哋會留返阿Dee喺台上面講經，你哋當佢伴奏就得！我哋講明收唔到山頂嘅利是，淨係會收$1180票價位置嘅利是，唔知啲觀眾係咪覺得$1180加埋利是，幾千蚊好貴？但其實我哋兩年先搞一次show，我哋有驚喜，又有Talk show又有表演 ，所以我個人認為$1180 門票係好抵睇！」
《無用的謊言》劇照：
Credit to：
Makeup：Cori Wong @Annie G. Chan Makeup Centre
Hair：Harris Lai @Chic Private I salon
Wardrobe：Mastermind WORLD
Shoes：Both Paris
Stylist：Lok Fong
