⾸⾴ 即時體育 專欄│羅馬易帥後反底 「客勝」「博」得過 2025-01-10 16:00:00 意甲博洛尼亞主場迎戰羅馬。主隊博洛尼亞聯賽17戰7勝7和3負，暫列第7。球隊季前易帥，由伊泰利安奴取代上季帶隊取得歐聯資格嘅莫達。季初球隊明顯需要時間適應新踢法。不過踏入11月起開始回穩，聯賽只係輸過兩場。 客隊羅馬則季中兩度換教練，首循環主場負博洛尼亞更直接令祖歷被炒。不過雲尼亞利執掌後，球隊聯賽取得3勝1和3負，勝出場數等於前兩任教頭今季總和。上仗更於首都打吡擊敗拉素，右翼衛沙利麥卡斯近5仗聯賽貢獻3入球2助攻，腳風相當順，相信會成為羅馬復仇重要武器。佩芝
