現年62歲黃凱芹（Chris）在80年代曾有「情歌王子」之稱，當年他唱過《情深緣淺》、《晚秋》、《傷感的戀人》、《雨中的戀人們》等膾炙人口的歌曲， 後來更《晚秋》一曲在內地爆紅，可惜因與經理人公司關係決裂，黯然告別樂壇，最後在1994年移民加拿大溫哥華，從事室內設計工作。
黃凱芹移居溫哥華自覺愧對家人
黃凱芹將會為TVB人真人騷《中年好聲音3》擔任評審，有傳他頂替伍仲衡的位置‧，不過他曾表示兩個月前已被獲邀，當時仍未有人事變動，所以只是巧合。日前黃凱芹接受鄭丹瑞的網上頻道《健康旦》訪問，提到當年離開樂壇移居溫哥華，他自覺愧對家人。
相關閱讀：62歲四大天王前勁敵現老態？感情事成謎近年突認有兩成年兒子 曾與倪震有「過節」
黃凱芹因一事移居溫哥華愧對家人？
黃凱芹曾任鄭丹瑞節目助理
在節目上，鄭丹瑞稱黃凱芹未做歌手前曾經做過DJ，黃凱芹笑說：「嗰陣最初係做古典音樂播音員，跟住轉咗去港台第二台，幫你（鄭丹瑞）接電話，之後又做林珊珊嘅節目，正確啲嚟講唔係播音員，係節目助理。」後來在輾轉的情況下，黃凱芹以創作歌手身份出道，本來發展順暢，他突然離開樂壇移居加拿大，鄭丹瑞問箇中原因，黃凱芹說：「嗰陣我有首歌叫《晚秋》，係內地演出覺得呢首歌幾好，跟住改編過再發行，當時呢首歌喺全國好紅，仲要係廣東版。當時我嘅經理人諗咗個方案，就係去內地搵好多出版過嘅歌，返嚟改編兼填埋廣東歌歌詞，叫我再翻唱。」
黃凱芹與唱片公司鬧翻索性移民
黃凱芹對這個做法極不認同，因為他一直希望做創作歌手，與創作人方針背道而馳，最後出現拗撬：「喺過程好記得係好長連頭髮都冇去剪（長過肩膊），可想而知呢段時間等咗幾耐。當時經理人話『睇吓佢等幾耐』，我嘅收入，無論唱片銷量，表演登台、作歌版稅全部hold住凍結，當時冇收入，我仲要供樓同養屋企，我得兩條路，一係就範、跟佢方式去做，第二就等三年合約完簽咗第二間。」黃凱芹覺得自己在香港已經多人認識，假如由零開始再找一份工，似乎有點困難，所以選擇移民。
相關閱讀：獨家丨黃凱芹再開紅館騷被MIRROR慘劇嚇親 半夜扎醒:成腦意外畫面真係好驚
《中年好聲音3》最新評審陣容曝光？
黃凱芹移居加拿大父母打回原形
黃凱芹坦言當時對不起家人：「嗰陣係我走先，本來供緊屋要賣，爸爸媽媽要打回原形返去舊屋細單位居住，連我所有唱片送晒畀人，狗都養唔到送埋俾人，單人匹馬走咗。我唔係冇諗屋企人，我走咗唔夠一年就帶埋阿爸阿媽同細佬過去，但當時係冬天，凍到爸爸媽媽背脊生晒凍瘡，所以佢哋回流返港，我一人漂流在外好幾年。」黃凱芹當時未有想過回流做歌手，以退休心態去做人：「我真係接受唔呢件事，出嚟嘅效果未必畀人接受，再等落去都唔係辦法，我真係放低晒以前嘅事，冥冥中返嚟係另一回事。」
黃凱芹移居令人生留有遺憾
其實黃凱芹當年隻身移居溫哥華，令人生留下最大遺憾，他曾說：「當時一走了之，留低家人，兩年後媽咪同我講爸爸患癌，所以我即刻返香港陪佢，但兩日後他已經去世。呢個可以話係我人生最大遺憾，我失去嘅比大家想像中多，唔係事業，亦唔係錢，遺憾係因為我嘅執着、脾氣，失去咗追都追唔番嘅親情。」黃凱芹向來將私事低調處理，多年來以「心如止水」來形容感情狀況，不過在2006年卻被本報拍得於愉景灣與兩名約四歲大的「混血」男童同住，一直以來傳媒問及他有兩子一事，他都沒有否認並以「大家心知肚明」作回應：「人最緊要活得幸福，自己開心咪得，大家點樣講點樣睇，我唔會理，沒所謂，fans會明白！我咪人一個，冇乜特別，學習過啲開心生活。」
