蝦頭（楊思敏）和葛綽瑤（Yoyo）在改編同名韓劇的《無用的謊言》首合演母女，蝦頭開心有個靚「囡囡」，Yoyo就感激戲外也獲「媽咪」悉心照顧。蝦頭指這次演出得到領悟，對與黃子華合作舞台劇《香港式離婚》也有幫助，又感激子華扶持她成長，而Yoyo也希望蝦頭能如自己的「子華哥」重要的存在。採訪：杜杜 攝影：朱偉彥 服裝:ATSURO TAYAMA(蝦頭)、SNIDEL(Yoyo)
蝦頭寧棄休息助葛綽瑤入戲
蝦頭跟Yoyo初次合作，她直言覺得好幸福，「第1次有咁大個女，仲要係外表咁靚嘅女喎！」Yoyo就大讚「媽咪」無得頂，除改善她的懶音，又會幫她入戲，「我哋有場最大衝突嘅戲，拍完我要繼續拍另一場好大情緒嘅戲，但中間隔咗食飯，『媽咪』犧牲咗休息時間幫我入返個情緒，等我繼續拍，真係幫咗我好多。」蝦頭認為只是想個戲好，「佢之後要拍場同阿姜（濤）好大情緒嘅感情戲，我咪再鬧佢一次，等佢有返個情緒去演。」
葛綽瑤與姜濤再演情侶感覺大不同
再任女主角的Yoyo，今次比《季前賽》戲份更重，令她壓力非常大，「擔心自己表現得唔好，角色『芊雨』同我好唔同，係比較硬淨，又有前後期嘅變化，最初睇咗好多次韓版參考，但拍時發覺其實好唔同，唔可以放晒落去。」講到她跟姜濤再演情侶，但感覺大不同，「大家喺出面經歷多咗再撞返，本身成熟咗，角色亦比較成熟，但會多咗默契。」韓版男女主角有不少親密戲，她就直言港版冇咁浪漫，「會理性啲，唔係一般嘅偶像劇。」
相關閱讀：無用的謊言丨姜濤邱士縉上演英雄救美 被踢爆常說「無用的謊言」
蝦頭再與黃子華合作感高興
蝦頭演貪錢兼戀愛腦媽咪，並非她手到拿來角色，一度令她好困惑，「同導演傾人設時諗住比較細路女，但拍落導演唔想咁，我尋找時有啲諗唔通，但係呢個當頭棒喝，係令我對表演嘅困惑搵到啲答案，對之後嘅演出更加好。」她多得這機會有助最近在舞台劇《香港式離婚》演出，而更開心能再跟黃子華合作，「同子華哥緣份好微妙，喺《男親女愛》舞台劇識佢，再有機會拍劇集《My盛Lady》，佢總喺重要moment扶我一把，有次排完戲好感觸咁多謝佢，好開心佢見住我成長。」Yoyo聽見亦被感動，仲話希望「媽咪」也會成為她生命中的「子華哥」，「好想有機會演舞台劇，好希望『媽咪』喺劇集後，成為我舞台劇嘅重要人物，係好幸福嘅事。」
相關閱讀：姜濤帶病宣傳《無用的謊言》 坦言痾近20次 唔怕與葛綽瑤傳緋聞 Stanley有留意Mo爸貼文：快點康復做自己想做的事
