天王劉德華相隔六年重踏紅館舞台，舉行一連20場《今天⋯ is the Day巡迴演唱會2024／2025》演唱會，獲不少圈中人入場欣賞，當中更有「銀幕CP」好友關之琳。關之琳與其他人一樣，入場睇騷之餘更有到佈景板前打卡，當時巧遇兩位TVB男主持，獲兩人讓路。
洪永城夫婦拍拖睇騷
洪永城與老婆梁諾妍（Inez）在大女「Sir Face」洪靖嵐（Amber）3歲生日當天，撇甩兩個囡囡過二人世界，一齊去睇劉德華演唱會，同場遇到區永權。三人企埋一齊即扮爭位打卡。而三人搞事中途，卻遇上關之琳的到來，區永權最先反應過來，即舉起手向關之琳打招呼，而梁諾妍也好恭敬彎腰點頭，向前輩問好，三人更即時讓路給關之琳與紙板劉德華合照。
相關閱讀：劉德華演唱會2024香港站｜朱麗蒨激罕現身拜神！誠心祈求演出順利 近百粉絲逼爆紅館
區永權洪永城見關之琳要讓路：
相關閱讀：劉德華演唱會2024香港站｜劉德華集體「宣誓」：大家以後可以叫我做老公 呼籲「劉太」睇《焚城》要追到破紀錄
關之琳未現身之前，區永權見到洪永城便問：「我同佢爭啲咩？你（洪永城）同佢爭啲咩？」洪永城笑言：「我同佢差唔多。」區永權即認為要問一問洪太梁諾妍。怎料梁諾妍雙手一撥推開二人，再又捽又抱黐實紙板劉德華，更無視被老公洪永城拎住信封拍打了一下。
相關閱讀：劉德華演唱會2024香港站｜劉德華《情深的一句》掀回憶殺！陳慧琳爆笑舉動令梁詠琪變焦點
區永權興奮失控
區永權在IG留言：「今日聲沙了，因為昨晚太興奮！與其話係去睇華仔演唱會，倒不如話係全場大合唱！我承認，我有點失控！如果你昨晚喺紅館，聽到有個麻甩佬經常大嗌：『華仔！你好靚仔呀！』無錯，我承認，嗰個的確係我嚟㗎！但意想不到，同洪氏伉儷爭住同華仔打卡嗰陣，竟然遇上大美人，關之琳！」
相關閱讀：劉德華12歲愛女劉向蕙現身！孖同學撐爸爸場 側臉輪廓精緻立體氣質出眾
關之琳入場支持劉德華：
