張致恒（Steven）與老婆區燕雯（雯雯）婚後五年育有四子，因為長期財困，面對生活壓力，所以雯雯每隔一段時間就在IG出PO放負。今日（20日）雯雯再次於網上斥責老公，指他掛住打機而忽略照顧家人，張致恒不禁於網上大反擊，兩夫妻隔空罵戰。
雯雯指廁所都唔敢去
雯雯今早於IG時動態留言：「呻完就算，世界上有啲人就係喜歡活係（喺）電子世界，現實世（界）與佢冇關係，火警都依然拎住個電話睇緊。」接着雯雯再次發功，繼續於社交網喪鬧：「一直最不知所謂嘅回答，『我都係玩兩下姐（啫）』，大佬個仔嚴重到，我去個次（廁）所都唔敢，你仲同我講兩下姐（啫）」、「睇到新聞，其實覺得幾好笑，錢就唔講喇，一直都冇架（㗎）喇，最欣賞係仲有時間姐（啫）。回答：唔通我24小時望住佢地（哋）？唔好意思，有特殊小朋友又真係要24小時望實。」
相關閱讀：男星與妻四年抱四債務纏身為養家做外判工人 現身港島開工獲讚真男人
雯雯又再出PO炮轟老公：
張致恒不甘被鬧網上大反擊
雯雯不滿老公掛住打機而唔照顧小朋友，疑似是與二人其中一個兒子確診自閉兼過度活躍症有關。Steven過了約半小時後，就於個人社交網貼上一堆遊戲卡反擊：「邊個話一定要錢先可以打機？再加上我每次都係打幾分鐘，平時我真係好少出聲，但係今次我真係唔覺得自己有錯囉。」從言語之間，疑似雯雯不滿Steven打機浪費金錢。
張致恒意外得到網民支持
一直於網上得不得支持的張致恒，今次卻於連登討論區得到不少支援聲音：「真係慘 乜自由都冇晒」、「活係電子世界，咁佢（雯雯）用緊咩嚟上IG」、「張致恒用自己實力，唔課金抽兩張噴火龍EX，條八婆竟然屈佢係課金抽」。張致恒見到評論後，之後發Story叫連登仔加佢一起打機。
張致恒長年搵工賺生活費：
張致恒雯雯承受嚴重經濟壓力
40歲張致恒（Steven）與老婆雯雯經常為經濟壓力吵架，甚至淪落到要向網民借錢解決，被封為「離婚界KOL」。張致恒面對長期財困，早前決定洗心革面打工，曾做過小食店、外賣員、成人用品店等炒散工，更曾跟隨吳浩康轉行做職安真漢子，考獲「平安卡」到地盤返工。
