彭建新昨晚（15日）到北角欣賞好友陳友主演的音樂劇，他指與陳友認識多年，很少看他這樣剖白，故在看尾段的時候也被感動到喊，更指陳友好努力地編這套劇，加上是真人真事，自己對這個故事也很熟悉，所以比大家的感受更深，又指以前的陳友不是壞，只是事業心重：「佢做嘢係咁，開咗頭就一直做，但有時冇尾，不過今次就有尾。」
叮囑阿倫快康復還歌債
對於譚詠麟（阿倫）因病沒來看音樂劇，彭建新指對方復元很快，但取消了演唱會之後也有致電給自己，當時還叫他康復後快點唱歌還歌債，又指前事不知道對方會來，問到是否因「叛變」加入了陳百祥的「精裝明星足球隊」而跟阿倫鬧不和？他說：「我本身都係明星足球隊啊，阿倫叫我做咩我咪做，阿叻（陳百祥）由細玩到大，邊度有叛變呢個字？邊度需要我，我梗過去，曼聯要我去唱歌我都去，唔通之後兩隊都話我叛變？」問到彭健新若「明星足球隊」和「精裝明星足球隊」同時邀請他同一日幫忙，會去哪隊時，他即笑指到時要看誰人的說話比較啱聽，問到平日誰講嘢比較啱聽？他說：「平時阿倫好實在，嚴肅好多，阿叻就好笑，成個場面好歡樂，佢哋兩個莊諧並重，如果兩班人一齊踢波就好睇喇。」他指若真的有這情況，自己也可以走場，兩場都去。
強調全部人也是好兄弟
問到阿倫和阿叻是否不和，他表示認識那麼久，怎會不和：「我覺得唔會不和，出面猛講，大家笑吓算，我哋10幾歲已經開始夾band，一齊出嚟玩，未有爭吵過，外界嘅人講咪由佢講囉，可能遲啲大家又會睇到第二啲嘢，（睇到乜？）和好如初。」他強調全部人也是好兄弟，不和只是外界的人講，內部完全沒有這兩個字，更爆自己幫完阿叻的球隊後，阿倫曾問他感覺如何，問到阿倫是否嬲？他說：「佢點會嬲我？我又唔係踢波，我只係中場表演唱歌，如果我去曼聯搵我中場唱歌，佢哋恭喜我添，如果有呢一日的話。」
