「教主」盧瀚霆（Anson Lo) 早前推出的新歌《致我》，今日（10日）他到商台接受鄭裕玲（Do姐）主持的《口水多個浪花》訪問，過百名神徒（粉絲暱稱）到場守候，有神徒更在昨晚已到商台通宵霸頭位。戴著眼鏡、身穿藍色外套的AL到達後，全場神徒瘋狂大叫，AL在進入商台前亦刻意走近神徒揮手打招呼，之後對他們說：「一陣見！」
MIRROR紅館演唱會後精神狀態不好
2024即將完結，Do姐問到AL 在這一年定下的目標有否達成， AL 坦言今年主要定下的兩大目標都一一達成，首先是工作上以音樂為主，並推出了四首完全不同風格的歌曲；第二就是work-life balance，他表示自上次MIRROR 紅館的演唱會後，精神狀態都不太好：「呢兩年我主要用繁忙嘅生活去麻醉自己，但每一次返到屋企或者係車程，靜落嚟嘅時候都會覺得唔開心，去到上年年尾好alarming ，覺得一定要處理。」
張繼聰教赤腳踩草地
AL 亦提到當時12子有出來傾吓，都意識到大家情緒好緊張 ，但後來可能時間治瘉，大家都輕鬆返好多，他更透露最脆弱時的行為： 「兩年前大家會成日見到我突然間喺個台度喊，或者排排吓舞會喊，其餘11位成員同排舞師係呆咗，我又試過突然間跑去鏡前面，自己縮埋一嚿跟住就喊，呢啲係成年前最脆弱嘅時候。」所以AL今年刻意放慢工作節奏，每逢放假都會去接觸大自然，以前從來不會行山的他，現在會去行山，並透露張繼聰教他赤腳踩落草地或沙灘，能夠好好治癒氣場。
回想一個月$1400的日子
作為娛樂圈人氣王之一，被問到覺得自己有冇「捱過」，AL有感自己被圈內很多人都幸運，但如果只講自己，其實都算有捱過，並回想當年未入行前教跳舞的日子，「$1400一個月，真係喺快餐店買一個麵包都要諗，買咗都可能分兩餐食，唔夠維生，又要俾家用屋企人，當年為咗生活度嚟度去，都諗到好糾結。」
Fashion曾令自己減壓
而現時擁有自己服裝品牌的AL，被問到是否對衣着好講究 ，AL就自爆：「兩年前到大半年前都比較『癲』，好大使，個金額而家諗返起都會嚇親。以前要日日換袋，日日換衫，覺得Fashion係可以令到我減壓，但而家Move pass咗，就覺得唔需要咁大使。而唔着嘅衫會俾舅父、18歲嘅表弟或者捐出去，唔會嘥。」
與Jer一齊坐唔定
即將踏入2025，向來有周詳計劃的AL就預告明年其中一個項目是年中出實體碟，實體碟預計會有7至10首歌，上個月開始他已不停搵Demo及作曲人，現時已經有三首歌在手，今個月將會進行錄音。最後，Do 姐指AL在隊中是比較成熟的一員，AL就笑言要睇對象：「譬如自己做一個做訪問就應該成熟啲，但譬如對住阿Jer（柳應廷）我就冇辦法， 阿Jer都比較鍾意玩 ，我哋一黐埋變得好幼稚，好似唔識坐定定，講埋啲無聊嘅嘢。」Do姐就表示每個人都應該有成熟及幼稚的一面。
Anson Lo狂派心冧神徒
大約五點左右，AL離開商台前，先走近一直在外等候的神徒，然後逐一收取神徒們帶來的信和禮物，期間他與神徒聊天、派心及擺出不同甫士o氹神徒，令他們非常開心，足足接近35分鐘後，AL表示正在拍攝日常Vlog，而這裏也是終結站，更叫神徒一起講拜拜，不過神徒就大叫：「盧瀚霆，我愛你！」之後AL亦有示意大家一起講拜拜，而拍完後，AL才坐車離開。
