向來敢言的鄧兆尊近年活躍於網上平台，基本上任何話題都可以「搭到嘴」，近日鄧兆尊作客吳家樂與梁思浩的YouTube頻道《娛樂好好玩》，期間有網民對吳家樂的一對眉毛大感興趣，問他有否修眉？吳家樂稱自己只用眉擦和眉筆修補，接着他反指鄧兆尊今次「化行妝」現身。
鄧兆尊自爆曾被人要求整容
梁思浩突然問鄧兆尊有否被人要整容，鄧兆尊說：「有呀，成日叫我執呢樣、執嗰樣，又叫我打啲乜嘢入去，我梗係唔制，一打入去就出事。」原來這個人是鄧兆尊的其中一個女友：「佢成日想搵我去做實驗，仲有好多人話搵我代言，不過我唔制。」
相關閱讀：鄧兆尊爆薛家燕、苑瓊丹不和真相還原事件 爆有人「要求拍大頭」：兩個阿姐說話有少少骨
鄧兆尊自爆曾被人要求整容：
梁思浩自爆剛出道因眼細被要求整容
梁思浩自爆剛出道時曾眼細而被要求整容：「佢哋想我隻眼大啲，我就去咗搵中環一個整容醫生，佢話要喺呢度幫我開一刀、嗰度開一刀，我話開完之後咁我點拍，佢話好快㗎咋，兩個月，我話我隻眼會變大咗？佢話冇變大，不過變咗雙眼皮啫。」梁思浩稱當時的人工只得$3,000，但整容手術要$12,000，最後因為沒有錢而令雙眼皮手術沒有成事，碰巧80年代流行日本文化，矇豬眼忽然成為潮流，梁思浩說：「呂方、林憶蓮同我就成為咗矇眼三人組，又反而畀我哋突然間彈起咗，好彩冇洗嗰$12,000。」
鄧兆尊曾祥嫂帶去整雙眼皮
鄧兆尊笑指梁思浩好運，他稱在年輕時，試過被媽咪母親祥嫂（洪金梅）帶去整雙眼皮，並在在街口做手術，「我係瞇埋眼，醫生揸住支筆畫咗嗰條界出嚟，落刀落到咁樣，我話『咁深？』我阿媽話：『畫深啲添啦，橫掂都俾咗錢，畫深啲！』我話：『醫生，做人嘅嘢有報應㗎。』，佢話『你放心啦，畫落去係咁啫，我識做㗎喇，喺呢度焫一焫得㗎喇，唔覺㗎，到時你腫咗好返都係咁上下。』咁先救咗我一命。」鄧兆尊指自己做的是吊線雙眼皮，慶幸沒有開刀。
相關閱讀：鄧兆尊自爆被陳彥行反追 獲曾勵珍做媒人：行姐阿媽流晒口水望住我 追傅明憲被梁姓男星阻止
江美儀爆料亞視女藝人出位事件：
另
梁思浩之後再爆料，指有一位天王巨星，出道早期曾徵詢他應否整容，梁思浩說：「就好真心同佢講，攞把間尺篤佢眼皮入去，頂住，睇吓係咪靚啲，我話『咦，係喎，好似係靚啲喎。』篤咗入去之後佢自己摺咗入去，我哋嗰時冇雙眼皮膠紙，我話篤咗入去之後唔好郁，睇吓係咪靚啲，係靚啲喎，佢就畀我咁樣篤咗，佢就決定『咁好啦』，我覺得你都要試吓自己啱唔啱雙眼皮，佢話佢都幫我篤一次，我話我雙眼皮好核突。」
梁思浩指對方割完之後事業飛黃騰達，成為天王、頂流，吳家樂突然唱出黎明的歌曲問他是否講黎明，但梁思浩就否認：「佢唔唱歌，總言之係拍戲天王，頂流嚟㗎。呢啲嘢真係好睇人，佢割咗之後真係靚好多，但係我就唔係好啱。」吳家樂爆笑地說：「你（梁思浩）出道係賣實力，唔係賣樣貌。」鄧兆尊即搶着說：「乜嘢係賣實力，佢係賣新聞，佢都唔怕死亂咁講嘢，我自問都覺得犀利，點知佢仲厲害。」
