英超第13輪，榜首大戰利物浦周一凌晨主場迎戰曼城。主隊利物浦今季繼續氣勢如虹，周中歐聯壓倒性擊敗皇家馬德里，延續各項賽事15場不敗佳績。球隊順風順水，喺歐聯遇到最弱版本嘅皇馬，如今亦要面對頹廢嘅曼城，翼鋒穆罕默德沙拿繼續狀態大勇，聯賽已攻入10球，有望在今場大戰繼續入波。
客隊曼城近排個勢相當頹，各項賽事近6場錄得1和5負，令主帥哥迪奧拿相當頭痕，喺歐聯一仗面對飛燕諾，領先3球之下被對手逼和，後防問題嚴峻，聯賽又已經被利物浦拋開8分，若今場6分波未能取勝，今季爭標之旅可以告一段落，相信今仗會大開大合。Key蛇
