33歲前港姐張寶兒（Bowie）去年11月為袁偉豪誕下兒子「袁咕碌」袁晞祐（Hayven），一家三口幸福美滿！昨日（24日）是張寶兒與袁偉豪結婚四周年，兩人食飯慶祝之餘，寶貝仔更有福利獲張寶兒搞搞新意思玩泥漿，「袁咕碌」玩到滿面滿身黏滿泥漿，陳自瑤驚嚇表示：「我呢啲有潔癖嘅人會崩潰」。
張寶兒兒子探索
新手媽媽的張寶兒希望「袁咕碌」勇敢自由地用其方式探索世界，快樂自由地成長。昨日（24日）她在「袁咕碌」的IG出post，上載兒子玩泥漿的照片，並寫道：「今日媽媽搞咗啲新意思，袁咕碌無人陪同可以玩咗成個鐘，雖然很骯髒messy，但賺到的時間更加珍貴，媽媽感到非常感恩與欣慰！」
相關閱讀：袁偉豪張寶兒為囝囝搞一歲生日會 圈中爸爸齊帶子女出席 周柏豪囡囡奇招搶鏡
「袁咕碌」玩到滿身泥漿：
「袁咕碌」玩到泥漿乾塘
影片可見，1歲大的「袁咕碌」坐在舖上膠枱墊的嬰兒爬行墊上，他前方放有一個裝有泥漿的粉紅色膠盤，內裡亦放有數個膠公仔，「袁咕碌」不停用手拿起泥漿然後打開手仔，泥漿從他的手裡滴下，他滿身及四周都是泥漿，連面上都黏滿泥漿，張寶兒笑說：「你玩咗好耐喎，玩到裡面乾晒塘，竟然冇人喺隔離，你都可以玩咁耐，做緊實驗係咪呀？冇晒喇！你睇你塊面，哈哈哈…全部公仔同你塊面一樣，硬晒啲泥土，係咪呀？」
相關閱讀：「袁咕碌」臂力驚人？為取一物用盡全力 肉騰騰萌爆表情俘虜人心
袁偉豪囝囝住豪宅有專用BB房：
「袁咕碌」嚇親陳自瑤
網民驚嘆張寶兒的做法，就連陳自瑤也在帖上留言，「我呢啲有潔癖嘅人會崩潰」，袁偉豪亦有同感回覆表示：「same same auntie YoYo」，而網民也表示：「同感！我真係冇咁偉大畀小朋友嘅開心換來我嘅崩潰」、「嘩！負責清潔嗰個真係要認真多謝你」、「其實容易將啲泥土入眼鼻！小心呀！會凝固，產生危險！」另外，亦有不少網民讚「袁咕碌」叻仔，「佢真係好好奇為何捉不住（流動的沙泥）！聰明的小朋友呀！」、「寶兒媽媽真係好叻，晞𧙗BB好有福氣」、「乜都畀佢嘗試係好事，但小心安全！佢好叻叻呀！」
