TVB台慶劇《黑色月光》正在熱播，劇中除了兩位視后楊茜堯（Moon姐）及林夏薇（卓慧雲）外，一眾女主角的年輕版都受到網民關注，近日輪到三大新演員發揮的機會，分別是飾演「三重無間道」的卓昊天（郭鋒飾）私人助理 Kenny（蔡誌恩飾）、「反骨女公關」洪詠詩（王嘉慧飾），及卓昊天「7歲智商孫女」Mable（莊易羚飾）。其中飾演Moon姐下屬的「眼鏡娘」公關王嘉慧（Cathy），更被網民封為顏值擔當。
相關閱讀：黑色月光｜楊茜堯「眼鏡娘」下屬獲封顏值擔當 學霸港姐不靠富爸爸 常派福利變東張女神
「東張女神」王嘉慧因撞到總監製獲重用？
《黑色月光》自開播後除了各大主角相繼跑出，不少綠葉角色及新進演員亦贏盡焦點，大膽起用新人亦是劇集總監製鍾澍佳特色之一，昨晚（18日）台慶前夕播出的第16集，蔡誌恩、王嘉慧及莊易羚的演出除同樣令人眼前一亮。王嘉慧在劇集開段看似人畜無害、勤奮又可靠的綿羊仔女下屬，但去到近日劇情，她因為利慾熏心，竟大模斯樣出賣恩師楊茜堯，昨晚一集更與恩師「張牙舞爪」玩互拋對方，令人驚艷的是王嘉慧即使對着視后級的楊茜堯，氣勢及氣場均沒有太輸蝕，一句：「欺師滅祖呢啲嘢，我係跟你學㗎咋」，令人印象深刻，網民亦讚她演技大有進步。王嘉慧在劇中「千變萬化」的女公關造型，既有「眼鏡娘」Look、又有盤髻Look及嫵媚 Curly Hair Look，每個造型各有美態，獲網民大讚「靚到不得了」。
王嘉慧家境富裕成學霸港姐
現年29歲的王嘉慧2021年選港姐出身，自主持綜藝節目《通靈之王》後人氣急升，其背景相當猛料！父親有「內地傢俬大王」之稱，是著名傢俱公司創辦人，擁有約300 多間加盟店。王嘉慧自己本身除了是一名學霸，在倫敦大學學院修讀心理學，以一級榮譽及「Dean’s honours list（獲院長嘉許名單）」成績畢業，回港後在香港中文大學讀法律系碩士，還有健身教練專業資格，另外無論畫畫、手作首飾、珠寶首飾設計、食物繪圖、櫻花繪圖、人手縫紉也難不倒她，堪稱「藝術全能」。
王嘉慧為人生勝利組？
王嘉慧與鍾澍佳的結緣經過相當搞笑，事件因由竟是她曾在公司停車場意外撞到對方座駕，王嘉慧不好意思地表示：「呢件事講起有少少尷尬，當時我因為本身有其他Job miss咗《新聞女王》試鏡。然後有日喺停車場，可能我都有少少疏忽冇睇清楚環境，出車時突然撞到架車，然後就見到佳導落咗車，當時我都好驚佳導落咗車後反應會係點，因為佢架車都好價值不菲，仲要係新車，但我好驚訝佢落車後好冷靜，完全冇鬧我，仲要都好溫柔。之後隔咗一、兩個禮拜，突然再收到《新聞女王》試鏡通知，我覺得佳導真係好好，不計前嫌，仲肯畀機會我。我哋緣份就係咁開始，都唔好意思要以咁嘅形式同佳導初相識。」為了不辜負鍾澍佳一直給予機會，王嘉慧拍攝《黑色月光》前還專誠找來「最佳男配角」鄧智堅上堂學演戲：「佢幫我執聲同 Body language。」
與總監製鍾澍佳有「撞車緣份」
王嘉慧又大讚「上司」楊茜堯私下十分親切和照顧後輩：「佢同阿佘（佘詩曼）都係我好鍾意嘅偶像，第一次見到阿怡（楊茜堯）係緊張到唔知點叫佢好，但佢就主動咁打開話題。我同佢第一場戲就係拍尋晚呢場反面戲，當時我好緊張，好想做好佢，去到現場阿怡係咁同我講笑等我舒緩心情，到真係拍時佢即刻入戲，亦好帶動到我（嘅情緒），嗰場戲我拍得好enjoy。」王嘉慧又坦言單是站在旁邊欣賞楊茜堯拍劇已是享受：「係歎為觀止！我又記得有場戲好簡單嘅，但我硬係爭啲爭啲，我當時覺得好似連累到阿怡，但佢係咁鼓勵我話冇嘢，又叫導演畀多啲機會我，好多謝佢咁照顧我。」談到與王嘉慧的「撞車緣份」，鍾澍佳即大開玩笑謂：「如果大家想識我，直接搵我傾偈就得，唔使用呢個方法識我，唔該晒！」
其他文章：
TVB御用富商獲兩後輩補祝73歲生日 私下一面曝光 曾慘被女主角摑到甩牙
