31歲蘇韻姿（Andrea）近年憑處境劇《愛回家之開心速遞》飾演「熊心如（紅衫魚）」一角入屋，本受力捧但傳出得罪高層及遲到被雪，而被踢出劇組。雖然蘇韻姿其後獲解凍，有份參演正在播出的台慶劇《黑色月光》，但不久便宣佈離開TVB並長駐謝東閔的音樂學校任教，亦為有線 HOY電視擔任主持，更將拍攝劇集《我愛九龍城》。日前蘇韻姿在IG上分享了多張工作照，以長文透露自己最近以幕後導演助理身份參與製作慈善直播騷，重溫幕後工作的樂趣。
蘇韻姿離巢轉行做幕後導演助理？
最近蘇韻姿在IG上分享了多張參與《天生我才達人秀》的工作照，並留言：「相隔一個禮拜，終於有時間沉澱落嚟諗返起上個禮拜嘅今晚做嘅show ，真係好榮幸今次有份參與到呢一個咁有意義嘅活動。首先非常之多謝邀請我以導演助理身份參與@youthsgottalentshow！能夠喺一個超過130年歷史嘅教堂出面做一個戶外show仲要有Projection Mapping⋯ 真係好癲！曾經做過幕後嘅我都真係好耐冇重拾過幕後嘅崗位。今次呢一個show表演單位非常之多，係一個好好嘅挑戰亦都同時學到好多嘢。多謝導演嘅信任將show裏面部份嘅items交俾我排。見到各位表演者喺台上面發光發亮，真係好有滿足感！希望喺呢個show參與嘅每一位都唔會放棄自己夢想！」
相關閲讀：愛回家｜「熊心如」蘇韻姿搭港鐵埋怨一事遭網民批XX 留言愈講愈衰被圍插
蘇韻姿離巢仍獲「熊家人」愛錫？
蘇韻姿又表示：「今次呢一個籌款慈善網上直播show，係要龐大嘅團隊齊心努力籌備先做到，想借呢個機會都多謝每一個為呢一個show有付出嘅人！亦都想講一聲，我真係好proud of 演員們今次嘅演出！你哋嘅努力，相信大家都見到！希望你哋享受今次嘅過程，繼續向自己目標出發！p.s. 多謝咁多位同學仔搵我集郵，你哋真係好熱情」，照片中可以看到蘇韻姿留着一頭波浪捲髮，穿上黑色西裝西褲，正在全神貫注地研究手上的稿件，並與工作人員溝通對接，好有白領一族的感覺！其後蘇韻姿亦與多位工作人員大合照，看來彼此都相處得十分融洽。
蘇韻姿多年來需要一直兼職才能維生
蘇韻姿在加拿大長大，讀大學時修讀戲劇及音樂，在當地除了幕前演出，也參與過幕後製作。蘇韻姿曾透露自己的夢想是當演員，更爆當年來港選美是因被僱主（多倫多華人視台）遊說而入行，亦表示多年來需要一直兼職才能維生。
其他文章：
愛回家｜「熊心如」蘇韻姿被指遲到遭踢出劇組 突自爆食死貓：遲到係另一個演員
