張致恒（Steven）與老婆區燕雯（雯雯）婚後五年育有四子，卻因長期財困，面對生活壓力，導致雯雯每隔一段時間就在IG出PO放負呻窮。原以為張致恒考獲「平安卡」做地盤工作，財政問題有所改善，怎料張致恒昨日（10日）剛過40歲，雯雯又出招，再度出黑底白字PO：「要死一齊死」，嚇親不少網民。
相關閱讀：張致恒又唔做地盤？炒散搵「淨係星期日」兼職 吳浩康疑隔空暗寸
張致恒老婆雯雯又鬧情緒？
今年6月張致恒透露已取得「平安卡」，一改被老婆雯雯數臭「又廢又懶」形象，的起心肝到地盤返工，但未夠幾個月，二人又向外界求助，稱開工不足，又呻出糧日期有變，交唔切租。而最新到今日（11日）雯雯在IG限時動態稱萌尋死念頭，直言不會再乞再借：「今日11月11（日）開始，我唔會再求人，唔會再問人借，我亦冇可能一個借完，另一個借俾我還，不斷重複。我每個月生活都係一樣，努力、改善，其實都係一樣。」
雯雯萬念俱灰
雯雯又提到四個兒子，感到萬念俱灰：「冇屋住要趕就趕，冇書讀要趕就趕，冇飯開就大家坐喺度，冇奶粉就喊。我不會再乞，不會再求，不會再諗，不會再哭，不會分開小朋友，不會放棄任何一個，不會放棄剩返兩隻陪咗我9年嘅狗，要死就一齊死，要餓就一齊餓。」
雯雯稱沒完沒了
另一個IG限時動態，雯雯直言感到疲倦：「講咁耐點解死唔去？因為有好心人囉，但我不會再乞，不會再求。根本就沒完沒了，我真係好攰，夠。」提到面對愛犬離世，雯雯難過稱：「今年連續3個走，乜都化，死唔可怕，最緊要大家齊正（整）」，言論極端令人憂心。
相關閱讀：張致恒有新工？疑似轉行做渠務打雜日薪曝光 地盤糧期不準被老婆炮轟
張致恒長年搵工賺生活費：
24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350
其他文章：
張致恒淪落地盤打工獲工友爆工作態度 網民反應兩極提醒小心一事
