由鄭丹瑞（旦哥）、馮允謙、廖子妤、黃正宜（阿正）和盧慧敏（Amy）主演的電影《得寵先生》，將於11月7日亮相「HKAFF香港亞洲電影節2024」，並於28日正式上映。電影亦將於9日在英皇戲院（康城）舉行兩場「狗狗友善電影放映會」，旦哥和Amy現身分享。
早前一眾台前幕後舉行開鏡拜神儀式，廖子妤大讚戲中「爸爸」旦哥：「高、靚仔、好脾氣、肯教新人、成日請我哋飲咖啡，太多優點，我真係唔想離個劇組！」她又表示跟旦哥合作壓力大，但又好易入戲，「他真是給我有『爸爸』的感覺，戲中父女關係有啲似我真實故事，好容易投射到。剛才拍嗰場，喊到不得了，多謝旦哥。」旦哥說：「佢投入到，我希望佢有80分，結果佢做到120分。」
風趣的旦哥扮惡樣，說：「呢部戲將真實嘅鄭丹瑞顯露出嚟，燥狂啦，郁啲就鬧人，你哋覺得好，其實係假嘅。將自己好多真實一面挖出嚟，好赤裸，但好好，可以試一次咁樣做。好難得今時今日遇到好劇本，我亦最開心遇到新導演，過去幾十年，好多人幫我，好多貴人。去到今日我覺得係時候幫得上、有需要我，尤其是電影，我就去幫。最重要一件事：我對狗有敏感，而我竟然同狗狗拍咗一部電影，建立咗好好關係，呢個係一個好大挑戰，好好玩！」
旦哥唱Rap令阿正爆笑
此外，由於旦哥1993年推出歌曲《那夜我替女兒「R」背脊》，Jay打趣說：「我知道旦哥出過歌，聽講係香港第一代Rapper！」，旦哥說：「我查過Rapper意思，即係『數白欖』，我係第一代『數白欖』，你哋摩登啲咪叫Rapper囉！『那夜我替女兒R背脊⋯⋯』我用羅文、鄭少秋腔，『R得佢舒服⋯⋯』」在旁阿正爆笑，旦哥歌興被打斷，扮生氣對她說：「你再笑就無面畀！」一眾演員打成一片，相處融洽。
