【呃錢/baby face/梁敏巧】早前接受《呃錢》訪問講述疑遭婚介公司詐騙兩萬多元的自信港男「baby face」黃生，因在節目中道出「我有baby face，點會冇market？」名言後爆紅，其後他再於社交平台公開表示，會在30日內將《東張西望》女神梁敏巧追到手，令他即時人氣急升。baby face接受《星島頭條》訪問，講述他對忽然「爆紅」的看法及過去的戀愛經驗，同時亦分享他的「媾女」經驗。
樣貌被批評 baby face：你傷害緊患唐氏綜合症嘅人
baby face是過去一星期的網上熱話，但不少網民都以「看笑話」的方式嘲諷他的外貌及言論。翻查他的個人社交帳號，自從《呃錢》的受訪片段播出後，他經常分享新片，其中一段片段更以「裸上身」的姿態現身。Baby face明言對於負評留言不想平反：「因為好多人都批評我嘅外貌，例如話『你受過輻射啊』、『你係咪唐氏綜合症啊』之類，呢啲說話係傷害唔到我，你係傷害緊真係有唐氏綜合症嘅病人，同埋真係因為輻射問題而搞到個樣有影響嘅人，你係攻擊唔到我㗎！」
25歲起自覺擁baby face
Baby face坦言網民留言毫無殺傷力，更真心認為自己擁有Baby face，「我大概25歲開始覺得自己有baby face，因為我嗰陣睇落唔似有25歲，我就開始覺得自己真係有baby face。」除了認為自己擁有baby face，他更直言：「我覺得我自己好靚仔，唔係真心覺得自己靚仔嘅話，點樣喺節目講出呢啲說話呢？」被問到他眼中認為「靚仔」的典範，他一臉認真的說：「我認為金城武係英俊，我係覺得自己還可以啦，雖然我唔係金城武，但都有佢外貌嘅優點。」更表示自己在18至19歲時身形瘦削，「我覺得自己真係好英俊。」
Baby face是否「靚仔」當然見人見智，但他認為自己最大的優勢並非擁有他認為的baby face，而是一份非凡人可擁有的自信和樂觀。言談間的確能夠感受到他的自信，對於自己在網上爆紅，他表示：「其實依家係好多人八卦我啲嘢，有啲人會DＭ我話『喂我教你隔空媾梁敏巧啦』，都有女網友DM我，有啲係話想出嚟見面食飯，但我冇應承囉。」
相關閱讀：「Baby Face」豪言30日內追到手？《東張》女神梁敏巧親回：當靈異嘢咁睇
baby face自認人紅選擇多
但Baby face似乎認為人「紅」是非多，直言現階段不適宜亂搞「緋聞」。他說：「講真我依家去到邊都有人識我，喺呢個情況下，你隨便應承人去約會，又可能對個女仔有啲『那個』，係緋聞嚟喎！係咪因為你有好多選擇，就隨便去招呢啲狂蜂浪蝶呢？我自己有個標準喺度，要自律囉。」
言談間，或者Baby face會令人覺得是個大情聖甚或「大把女」，但事實上，他現年30歲，過去只有3次戀愛經驗。Baby face指自己的初戀發生在中學時期，當時流行在網上論壇交友，其間他與一位女網友相當投契，直言因為做了一事令對方感動而願意約見面。「就係每朝打俾佢叫佢起身，佢覺得呢個人信得過，咪出嚟見面囉，之後開始拍拖，去到大學嗰陣，大家個距離遠咗，之後自自然然散咗。」他形容這位初戀女友屬眼大大的可愛型女生。
而Baby face的第二段戀情卻與初戀的時間相隔甚遠，一轉眼，第二段戀愛已在進入職場後開始。「追呢個（女朋友）好簡單，就係展露能夠幫助佢嘅特質，係喺書舖認識佢嘅，見有機會咪問佢攞contact囉。」
baby face三段戀情分手收場
不過，他形容第二任女友個性悲觀，認為不適合長期發展，「我同佢喺某種意義上係為拍拖而拍拖，對方有時諗嘢諗得悲觀得濟，可能要花好多時間安慰佢，去改變佢悲觀嘅心態，可能係我覺得有啲攰，一年之內就分咗手。」他續說：「覺得長痛不如短痛啦，分手嗰陣我係有鋪排嘅，即係少咗搵佢，暗示佢會唔會樂觀少少啊之類，之後大家就會慢慢感覺好似有啲唔夾咁囉。」
至於第三段戀情，Baby face則表示是因為自己工作繁忙而分手，「我自己都同佢講，我依家想搏一搏（發展）事業。」自從第三段戀情告吹後，現時已單身約2至3年。
相關閱讀：TVB節目《呃錢》自信男穿「戰衣」街頭直播 「Baby face」有超自信表現已變「何太2.0」？
baby face：「媾女」好簡單
雖然Baby face單身多時，但對「媾女」這個話題似乎相當有「研究」。「追女仔嘅招數好簡單咋喎！如果見到心儀對象，或者喺街見到嘅 咪主動大膽去問佢，例如食唔食飯？或者問佢可唔可以加個contact或Ig啊等，但呢幾樣嘢，要比較有自信先做到。」但被問到成功率有多高時，他即表示：「我都試過問幾百次咁，有一次成功，視乎你想挑戰幾大嘅難道啦，我試過搵啲超級索嘅。」但對於那一次的成功，他則說：「我有同對方了解過一段時間，後尾我了解過一段時間，覺得好似唔係好夾。」
Baby face表示，他現時的目標是「追女仔」，自言是香港男人中屬優秀一群的他，坦言自己並非只喜歡靚女，「我真正嘅意願係個女仔順眼、三觀符合。」談到他認為自己作為男性值多少分時，他則說：「10分的話，我畀自己7至8分囉，我始終覺得，做人開心係會好高分，同埋起碼我遇到困難係積極面對，係一個好勇敢嘅人，亦係一個好man、好型嘅行為，我只能夠咁樣形容囉。」
