一年一度的《叱咤樂壇流行榜頒獎禮》將假昂坪市集舉行記者會，去年便有近百歌手出席，當然包括男團MIRROR，因此吸引逾千歌迷逼爆市集，場面墟冚。近年叱咤記者會前，都有一班「鏡粉」提早上山紮營霸頭位，務求霸佔最佳位置，當中以姜濤、盧瀚霆（Anson Lo）和陳卓賢（Ian）粉絲最多，想不到今年情況更誇張，有「姜糖」早於半個月前攻佔山頭！
相關閱讀：Stanley談新團綜笑姜濤廚藝冇進步 讚女友Alina叻自己賺錢自己洗 Jeremy為日本音樂騷努力背日文
姜糖預早半個月上山霸頭位撐姜濤？
粉絲為偶像造勢，已曾試過出現因寒流令大家冒住風雨野外露宿，同時令偶像們擔心。雖然商台並未公布記會詳情，但有粉絲預早收風得知會在11月4日舉行。一班「鏡粉」去年已預早4天前到昂坪市集通宵紮營，今年更有姜糖在社交平台上透露，早在半個月已在昂坪輪班紮營，將市集變成「糖區」！有姜糖在社交平台分享短片，並發文寫道：「望住依個糖區，乜野辛苦都值得，個區唔係你噚日上嚟先有，亦都唔係大會派畀你。個區係20/10凌晨半夜由糖上去昂坪霸位。排咗8日8夜，輪班守住，好辛苦先爭取到返嚟。日頭返工，放工就上昂坪仲有一大堆物資，逐批逐批運上昂坪，只要為姜濤爭取到最好嘅，乜野都唔辛苦，乜嘢都係值得。」
姜濤25歲生日「姜濤灣」墟冚場面：
過百「姜糖」紮營超墟冚
影片中所見，姜糖人數眾多，粗略估計有過百人，綿延不絕進佔整個廣場，有關方面已架起欄杆，姜糖就秩序井然地紮營，場內放有膠椅及膠墊等，場面相當震撼。連同其他歌手粉絲佔據的各個區域，基本上廣場位置除了預留作記者會舞台的位置之外，只剩店舖前一條通道的空間。有指在鏡粉通訊群組內，有人聲稱姜糖們在昂坪紮營現場以貼紙及印仔以資識別，甚至稱即使為姜濤粉絲，但並非「自己友」的話都不能留在紮營區。
其他文章：
MIRROR將與泰國天后BOWKYLION合作好緊張 Edan面對與林明禎緋聞呻大壓力 拍團綜煮嘢食AK讚姜濤好Chok Ansonlo係地獄廚神？
ViuTV 2025節目巡禮丨姜濤街頭欣賞涂家堯演出大讚好聽 Edan唔知林明禎出新歌 Frankie親回與女友感情穩定
