英超第9輪，矚目大戰阿仙奴主場迎戰利物浦。
主隊兵工廠連續兩季飲恨得第2，今季目標明確，希望能夠繼續爭冠。不過球隊最大敵人可以話係傷停問題。英超8輪賽事，當中3場上半場已經要10人應戰。主力中堅威廉沙列巴上場紅牌今場停賽，令到球隊防守實力大減，加上喺國際賽期間受傷嘅奧迪加特同布卡約沙卡未能征戰，相信令主帥阿迪達十分頭痕。
利記防守表現穩定
榜首利物浦喺主帥史洛特帶領之下，各項賽事11場贏足10場，中前場嘅逼搶同埋後場嘅搓傳，令後防嘅壓力相對減少。聯賽只失3球，陣容整齊，相信今場會出盡全力，應付爭冠嘅關鍵一戰。佩芝
