洪嘉豪（Kaho）《KAHO LIVE 2024》澳門站昨晚圓滿結束。連月感冒、看了7次醫生的Kaho雖帶病上陣，但未有影響演出，看到來自不同地方的「院友」（粉絲專稱）為他本月26日生日製造驚喜拍片打氣，令本身揚言唔會再經歴「紅館哭了」的Kaho，在唱最後一首歌《洗面》時再次爆喊。
今次除了歌衫歌單花心思外，舞台更有別紅館，左右各有一條延伸至場中的天橋，讓Kaho不時邊唱邊可以近距離和「院友」握手、自拍，甚至吹水，每次Kaho的走近都令「院友」們歡呼尖叫，氣氛熾熱，Kaho說：「好感動，見到好多好遠來嘅觀眾，知道有一位dm我，唔記得係美國定英國飛由土耳其，再飛香港再轉船定車到澳門嚟睇我，洪嘉豪係那來嘅福氣，可以有今晚9000位觀眾。」
Kaho擁有平凡的名字，平淡的成長，但因為努力追前，成就了今日舞台上的自己，昨晚Kaho藉此再鼓勵大家：「洪嘉豪呢個人，我對唱歌必須要承認冇天份，但佢會令我形成一個唔會懶惰、唔會睇少任何一個演出、怠慢任何一首歌嘅一個自己，但又搵到自己嘅長處，可以令到大家開心，都係一種福氣，慢慢學識咗自己都唔係咁差。」
至於上次演唱會哭成淚人，昨晚Kaho則提醒自己不能再犯，並分享上次「紅館哭了」的後悔和反省，說：「上次男人流淚，一直係心耿耿於懷，覺得明明一個好好機會，話俾人知我做到，但果次又衰咗，導致「創傷後遺症」，上次紅館啲片我真係冇咩睇過，今晚克服到再唱一次係咪值得俾掌聲！」而這半年間，Kaho同時反省覺得，《黑玻璃》的歌詞寫的完全不是他的性格，但卻能得到大家支持，所以承諾未來會繼續創作，以用歌曲安撫大家。
適逢下星期六Kaho牛一，昨晚演唱會上便播出了來自不同地方的「院友」，為Kaho準備生日應援片段，各人手持「Kaho生日快樂懷抱永遠也供應」的手幅，多謝和鼓勵Kaho，隨即舞蹈員推出蛋糕，Kaho在台中升起，與現場9000觀眾齊唱生日歌，而Kaho許願後，再邊唱歌邊走到兩面台側與「院友」繼續拍照，在看到每位入場觀眾的熱情，Kaho在唱最後一曲《洗面》，終於也忍不住也以淚洗面多謝大家，最後演唱會在一片感動中落幕。
