TVB男星伍富橋（Alvin）近年因與富家千金梁兆楹（Shirley）結婚而成為話題人物，近日疑有不看好他婚姻的Hater向她的老婆梁兆楹傳私訊，指他有伍富橋的出軌證據，令伍富橋無辜陷出軌疑雲，他除了在IG撰長文澄清，亦接受《星島頭條》訪問，再度否認指控。
相關閱讀：「億萬駙馬」伍富橋富貴老婆收「出軌」證據私訊！ 兩字回應表態火速離港
伍富橋再度否認出軌：
伍富橋透露，近日他為慶祝老婆梁兆楹30歲生日，本來開開心心展開甜蜜旅遊，不過出發前夕，他老婆卻收到不知名人士用假IG帳號傳的私訊，內容提到：「你老公偷食」、「我有你老公偷食證據起（喺）手」。伍富橋回應《星島頭條》時分享老婆收到訊息當下曾向他詢問，「咁當刻我老婆已經遞部電話畀我，問我，『你有冇做過呀，佢話你偷食喎』，咁我嗰吓其實已經好愕然，因為我知我冇嘛。」
伍富橋得到老婆信任
伍富橋雖然當時非常生氣，但得到老婆信任，本來都沒有在意此事，但卻斥搞事者傳訊息的時機令他非常生氣，「點解嬲呢，就係點解一定要喺呢個時候嚟搞事呢。因為而家係啱啱開始我老婆生日嘅生日旅行吖嘛，咁你咪間接咪將我成個旅程氣氛破壞咗，咁我成個旅程就係記住呢樣嘢囉，就係記住老公偷食囉。即係佢擺到明係搞事，所以我好嬲其實，我當下其實想X佢㗎啦。但係我老婆叫我唔好，所以我先冇咗件事，因為我真冇做呀嘛，咁我老婆亦都相信我，所以我就諗住，po個story就講笑帶過啦。」
相關閱讀：「億萬駙馬」伍富橋親回出軌疑雲！主動公開「床照」 點名「花生友」：希望你們……
伍富橋婚後富貴招妒忌？
伍富橋度假心情受影響
但由於伍富橋知道事件引起很多人討論，更成為熱搜，「我都呆咗。」他仍擔心身在外地的親友會信以為真，因此再次澄清：「我知道自己冇（出軌）吖嘛，咁其實就對我影響唔係話真係好大，但係如果其他人睇咗，淨係睇標題嘅話，佢咪覺得我係出軌嗰個囉。即係覺得，都預咗佢㗎啦，一定出軌啦，一路件事咪唔會完結囉。即係我覺得呢件事係……我真係好無辜，我哋本身去緊度假，但係我成個度假嘅心情都已經畀佢搞彎咗，即係完全係好唔負責任，亦都好自私囉呢個人。」
其他文章：
「億萬駙馬」伍富橋送炒價6位數Hermès賀富貴妻生日 婚後入住逾千呎豪宅生活幾級跳
伍富橋30歲生日派對收老婆厚禮 自備茅台撩人痛飲 梁兆楹發現「被偷」手袋
「億萬駙馬」伍富橋突然自揭有個仔？師傅年初教路露台利開枝散業 早前即添新成員
