草蜢日前於美國三藩市舉行一連兩場《草蜢RE：GRASSHOPPER演唱會2024三藩市站》，全場座無虛席。雖然蔡一傑因身體不適未能參與演出，不過未有影響蔡一智與蘇志威的發揮，出盡200%力盡情演唱，贏盡觀眾掌聲更承諾草蜢將齊人與大家見面。阿智說：「雖然我哋三缺一，不過美國嘅朋友一樣咁支持我哋。相信傑仔知道咗一定舒服晒，等佢休養完，下次再返嚟美國同大家見面，到時一定會玩得更開心。」
一眾台前幕後進行拜神儀式。
蔡一傑因身體不適未能參與演出，因而變了三缺一。
阿智說：「等傑仔休養完，下次再返嚟美國同大家見面！」
蘇志威
蔡一智與蘇志威出盡200%力盡情演唱。
演唱會以多首快歌揭開序幕，全場觀眾拍手尖叫，氣氛高漲至直完場。
蘇老闆High爆獻唱。
阿智透露第二場的歌單加插了小驚喜，就是首唱梅艷芳的《冰山大火》。
他表示是向師傅梅艷芳致敬！
演唱會以多首快歌揭開序幕，全場觀眾拍手尖叫，在台下跟着音樂又唱又跳，氣氛高漲至直完場。完騷後阿智與蘇老闆興奮表示：「感覺好正呀！」觀眾的熱情更令他們戰勝時差，阿智說：「原本我哋Jet Lag暈吓暈吓，但聽到佢哋啲掌聲同歡呼聲，即刻成個人精神晒，4倍能量返番嚟。好多謝大家支持我哋，就算少咗一位成員，佢哋嘅掌聲冇少到，將傑仔嗰份平均分畀我哋兩個。」
兩位又希望美國朋友永遠都記住阿梅啲經典歌。
草蜢表示若不是場館有時間限制，會繼續唱落去。
演唱會團隊齊心協力。
蘇志威
由於今次演出三缺一，阿智和蘇老闆到埗後便爭取時間綵排，未有外出遊覽。
蔡一傑因身體不適未能參與演出。
阿智透露第二場的歌單加插了小驚喜，就是首唱梅艷芳的《冰山大火》。他說：「向我師傅梅艷芳致敬，知道好多美國朋友都好掛住佢，除咗《緋聞中的女人》，我哋仲揀咗呢隻，希望美國朋友永遠都記住阿梅啲經典歌。如果唔係場館有時間限制，我哋會係咁唱落去。」蘇老闆說：「唔緊要，我哋出年40周年喺香港見。三藩市嘅朋友，你哋應承咗過嚟探我哋！」
由於今次演出三缺一，阿智和蘇老闆到埗後便爭取時間綵排，未有外出遊覽。蘇老闆說：「到咗酒店就困自己喺房唔出去，養精蓄銳。始終三缺一，走位同埋啲歌要重新編排，一落機就喺酒店備戰，冇出過去，唯有落去跑步同健身。」阿智笑說：「去咗酒店房、酒店房廁所，我間房望出去風景好靚。」
