趙慧珊(Aka)及J Lou(林欣) 主持開電視節目第2季《全港開餐100強》，拍攝時已懷孕的J Lou雖然不停作嘔，但冇避忌照食乳豬及雞子豆腐；Aka就食田雞腿。而37歲Aka被喻為「中女天花板」，她呻冇人追，甚至被細10多年的「小鮮肉」嫌棄，故羨慕J Lou有幸福家庭，採訪：方騫平
趙慧珊及J Lou主持第2季開電視節目《全港開餐100強》。
趙慧珊、J Lou係好拍檔。
37歲Aka仍未拍拖。
Aka親自設計手錶。
懷孕中期的J Lou已回復胃口。
準備生第一胎的J Lou打算順產。
趙慧珊及J Lou在節目中去勻100間爆紅食店，試盡大廚馳名菜式，就算平日唔食的，都會專業地放入口，不過拍攝期間正值初孕的J Lou就要戒飲酒，最慘拍攝時不停作嘔，幸得到團隊照顧。而被指食極唔肥的Aka笑言雖然保持運動量但其實都有肚腩，目前操緊蜜桃臀，亦會挑戰75kg啞鈴，務求練出靚線條。
節目中Aka狂食好嘢。
趙慧珊、J Lou去勻100間爆紅食店，試盡大廚馳名菜式。
J Lou食全體乳豬。
拍攝期間一日食幾餐。
甜品好吸引呀。
Aka食極唔肥。
牛油醬伴吞拿魚
田雞腿伴蒜頭香菜奶油
蟹肉瑤柱荷葉飯
魔鬼魚伴康堤芝士苦白菜沙律
懷孕中的J Lou食雞子豆腐。
人生第一次被hurt
越來越有女人味的Aka變身「中女天花板」，她形容自己只係用木板搭成嘅閣仔，所以樓底好矮：「李佳芯係天花板中嘅天花板，41歲好似20幾歲咁年輕貌美。」懷孕中期的J Lou已有返啲胃口，Aka好羨慕靚拍擋有老公愛錫，相當幸福，相反她就好落泊：「早年啲追求者唔係細我10幾年，就係大我10幾年，我都嘗試過赴會了解下『小鮮肉』，但約會中竟被嫌棄冇化妝，問我『你有冇帶化妝品呀？入去廁所化個妝先啦！』當時我個心諗『咩料呀？我係咪好樣衰呢？』真係有啲懷疑人生㗎，但又肯照做，化完個妝仲一齊食埋餐飯，之後再冇下文，因為我人生第一次俾人咁hurt，平時冇人會咁對我，𠵱家我真係啋你都傻呀。」
李佳芯係Aka眼中天花板中嘅天花板。
Aka自嘲身形似平板電腦。
J Lou有老公仔愛錫。
10多年冇拍拖的Aka否認放唔低舊愛吳業坤，並語帶輕鬆說：「經已忘記晒啦，我相信緣份係注定嘅，條命幾時遇到，擋都擋唔住。」
Aka曾戀吳業坤。
昔日經歷成為Aka靈感來源。
