70歲的肥媽（Maria Cordero）近日亮相胡楓（修哥）的網上節目《修哥萬花筒》，大談昔日圈中秘聞，肥媽在節目中大談由草根轉做金牌中介，再轉投歌手行業的契機。肥媽講得興起時，又大爆當年好羨慕李龍基及張武孝，因二人最紅時期，演出一個月的收入已足夠買一層樓。
相關閱讀：92歲胡楓又有驚人舉動！拍片介紹「豪宅」嚇窒網民：不要接這些節目
肥媽亮相胡楓節目大爆料？
肥媽在胡楓的網上節目上，再提到當年只有18歲已結婚生仔，更因為學識問題，不清楚下成為首任老公姐姐的擔保人，對方借錢後移居外地，令肥媽要承擔債務，加上要養家，肥媽20出頭便到麵粉廠托麵粉搵錢，當年50公斤一包：「150蚊一包。」由於托麵粉導致身體變形的媽媽，於25、26歲時轉做中介人，負責為餐廳安排歌手及琴師，公價50元一場，歌手及琴師每表演一節，肥媽會有5元佣金，當時有20多個場在手，收入不菲。
肥媽爆李龍基懶理抄牌
肥媽還記得當年最羨慕李龍基及張武孝，她更爆料指：「李龍基揸架跑車泊門口，抄（牌）啦！行上台，（唱）『不要金不要銀，只要一碌棍』。唱完收錢，即時去門口開跑車走。」肥媽又透露李龍基當時唱好多場：「佢哋嗰陣時好有錢㗎，佢真係唱一個月可以買一層樓。講真！唔信你問吓李龍基佢哋。」
相關閱讀：70歲肥媽越洋見證孫仔畢業笑逐顏開 早已四代同堂孫女靚到可選港姐
肥媽曾公開分享閨房事：
肥媽憶述當年做中介時，要兼顧表演，如有歌手遲到要上台暫代，當時坐在台下的她，想飲嘢又嫌貴，飲一杯要近40元，肥媽打趣笑說：「我去廁所飲水算喇！」為慳錢她會一杯嘢飲成晚，更不會行開。提到人生最大的機會，肥媽坦言就是當時上台唱兩首歌而遇上貴人：「我前面坐嘅係岑建勳、陳欣健，仲有個叫咩勛、好靚仔嘅導演，所有導演、香港小姐，鄺美雲、任喜寶，好多上流社會公子哥兒、有錢人小姐明星、甄妮都喺度。」
肥媽曾獲陳欣健請飲嘢
原本坐在台下的肥媽，被琴師叫上台唱歌助興，因出色的歌藝震驚眾人，肥媽表示：「唱完之後陳欣健過嚟講：『Hi，Sister！』佢以為我係黑婆，嗰陣我哋曬到好黑，頭髮又攣，問我飲咩，卒之有人請我飲嘢。」肥媽之後獲經理人發掘出道，當時由每月賺2,000多元，亂開價竟成功爭取到一星期唱五晚月入18,000元，還從最初簽兩星期合約，未到期前已加簽，變成一年合約，肥媽至今仍覺得自己當年是在發夢。
其他文章：
中年好聲音2丨肥媽親回與古淖文關係！被指情同母子疑偏私 首公開做一事避嫌
