專欄│阿仙奴增兵陸續有來

阿仙奴上季英超雖然屈居第2位，但整體表現同球員心理質素有所進步，令一眾球迷滿意。兵工廠來季將會繼續向英超冠軍進發，喺夏季轉會窗有不少傳聞，相信會加強前中後三線威力。

意大利中堅卡拉費奧利上季喺博洛尼亞表現出色，助球會取得來季歐聯資格，得到不少嘅傳統勁旅垂青，其中與阿仙奴嘅聯繫最為緊密，雙方現就條款及付款方式協商，但相信問題不大；而阿仙奴青訓產品史密夫路自從傷患後，表現大不如前，同時另一支倫敦球會富咸表達對佢嘅興趣，相信阿記將會喺呢段時間有一定數量嘅轉會操作，我哋可以拭目以待。佩芝